Янгиликлар
16
Májbúriy miynet qadaǵan etiledi.
Májbúriy miynet – qanday da bir jaza qollanıw basımı astında isletiw ushın májbúrlew bolıp tabıladı. Hesh kim jumıstan bosatıw, mıynet haqısın kemeytiw, tómenletiw hám basqa sıltawlar arqalı májburiy miynet penen shuǵıllanıwǵa haqılı emes.
Hár bir shaxs miynet etiw, erkin kásip tańlaw, ádalatlı miynet sharayatlarında islew hám nızamda kórsetilgen tártipte jumıssızlıqtan qorǵanıw huqıqına iye esaplanadı. Sonday-aq sud hukmi menen tayınlanǵan jazanı otew tártibinen yamasa nızamda kórsetilgen basqa jaǵdaylardan tısqarı májburiy miynet qadaǵan etiledi.
Qalaberse, májbúriy miynet, yaǵnıy qandayda bir jazanı qóllaw jolı menen basım ótkeriw arqalı (sonday-aq miynet ıntızamın saqlaw quralı arqalı) jumıs isletiwge májbúrlew qadaǵan etiledi dep belgilengen.
Tómendegi jumıslar, yaǵnıy :
áskeriy yamasa alternativ xızmet haqqındaǵı nızam hújjetleri tiykarında, ayrıqsha jaǵdaylar júz bergen sharayatlarda, suddıń nızamlı kúshke kirgen hukmine qaray, nızamda názerde tutılǵan basqa da jaǵdaylarda orınlanıwı kerek bolǵan jumıslar májbúriy miynet dep esaplanbaydı.
Puqaralardı is beriwshi yamasa lawazımlı shaxslar tárepinen májbúriy miynetke tartıw hákimshilik yamasa jınayatlı juwapkerlikti keltirip shıǵaradı. Ózbekstan Respublikası Hákimshilik juwapkershilik haqqındaǵı kodeksiniń 51-statyasına muwapıq miynetke qandayda bir usılda yamasa hákimshilik tárizinde májbúrlew, bunnan nızamda názerde tutılǵan hallardan tısqarı, —bazalıq esaplaw muǵdarınıń eliw esesinen júz esesine shekemgi muǵdarda járiyma salıwǵa sebep boladı dep kórsetilgen.
Májbúriy miynetti qadaǵan etiw, sonıń menen birge, ulıwma qabıl etilgen xalıq-aralıq hújjetlerde de sáwlelendirilgen jáne onıń hár qanday kórinisi dúnyada qattı qaralanadı.
Qaraózek rayonı ádillik bólimi
Yuridikalıq xızmet kórsetiw orayı bas yuriskonsultı Allamuratov Abdimurat Tólegenovich