Янгиликлар
27
MIYNET HUQIQLARI QORǴALDI
Xojeli rayonı ádillik bólimine puqara G.Nnıń qayta shólkemlestirilgen Mektepke shekemgi hám mektep bilimlendiriw bóliminiń shtatlardi bólistiriwde jumıs beriwshi tárepinen xızmetkerlerdi jaylastırıwdaǵı háreketlerinen narazılıǵı boyınsha múrájatı úyrenip shıǵıldi.
Ózbekstan Respublikası Prezidentiniń 2023-jıl 25-yanvardaǵı “Respublika atqarıwshı hákimiyat organları iskerligin nátiyjeli jolǵa qoyıwǵa tiyisli birinshi náwbettegi shólkemlestiriw is-ilajları haqqında”ǵı PF-14-sanlı Pármanına tiykar Ózbekstan Respublikası Xalıq bilimlendiriw ministrligi hám Mektepke shekemgi bilimlendiriw ministrliginiń wazıypa hám funkciyaları biriktirilip, 2023-jıl may ayınan baslap olardıń rayon (qala)lıq bólimleri de biriktirilgen túrde Mektepke shekemgi hám mektep bilimlendiriw bólimi sıpatında qayta shólkemlestirildi.
Múrájatti úyreniw barisinda qayta shólkemlestirilgen Mektepke shekemgi hám mektep bilimlendiriw bóliminiń xızmetkerlerdi jaylastırıwda Ózbekstan Respublikası Miynet kodeksiniń 167-statyası talapları orınlanbaǵanlıǵı, yaǵnıy múrájat iyesi G.Nǵa jumis orni usınılmaǵanliǵi anıqlandı.
Xojeli rayoni ádillik bólimi tárepinen kiritilgen usinis tiykarinda puqara G.Nniń miynet huqiqlari tiklenip, ol Mektepke shekemgi hám mektep bilimlendiriw bóliminde jumis penen menen támiyinlendi.
Xojeli rayoni ádillik bólimi basliǵi A.Shabatov