Янгиликлар
31
Avtomobil tarıyxı haqqında maǵlıwmattı qalayınsha alsa boladı
Elimizde puqaralardıń haq-huqıqların, mámleketlik uyımlardıń ashıqlıǵın támiyinlew baǵdarında alıp barılıp atırǵan maqsetli reformalar negizi insan hám onıń huqıqların qorǵaw, erkin demokratiyalıq mámleketti qáliplestiriwden ibarat bolıp, bul baǵdarda jáhán tájriybesi hám insan huqıqları boyınsha milliy ózligimizden kelip shıǵıp qatar baǵdarlamalar ámelge asırılmaqta. Ózbekstan Respublikası Ministrler Kabinetiniń 2022 jıl 9-martdaǵı “Avtomobil tariyxı” maǵlıwmatların usınıw boyınsha 106-sanlı qararı menen mámleketlik xızmetin kórsetiwdiń hákimshilik reglamenti tastıyıqlandı.
Qararǵa tiykar, 2022-jıl 1-maydan:
➖ “Avtomobil tarıyxı” maǵlıwmatların shártnamalıq tiykarda Mámleketlik xızmetler orayları hámde Birden-bir interaktiv mámleketlik xizmetler portalı yaǵnıy my.gov.uz arqalı anıqlaw boyınsha mámleketlik xızmeti jolǵa qoyıldı.
➖ avtotransporttı texnik kórikten ótkeriw processinde avtotransporttıń basıp ótken jolı haqqındaǵı maǵlıwmatlar, sonıń ishinde texnik kórikten ótkeriwshi isbilermenler tárepinen de májbúriy tártipte málimleme sistemasına kirgiziledi.
Bunda “Avtomobil tariyxı” maǵlıwmatları tómendegilerdi óz ishine aladı:
▫️avtotransporttıń agregat maǵlıwmatları;
▫️basıp ótken aralıǵı;
▫️shártnama dúzilgenligine baylanıslı maǵlıwmatlar (isenimxat, ijara, sawǵa, aldı-sattı sol sıyaqlılar);
▫️jol-transport hádiysesi islegenligi;
▫️qaǵıydalar halatı;
▫️ girewge qoyılǵanlıq halatı;
▫️ qadaǵan bar yamasa joq ekenligi;
▫️ bajıxana rásmiylestiriwine baylanıslı maǵlıwmat;
▫️ jolawshı tasıw ushın licenziya alınǵanlıǵı haqqında maǵlıwmatlardı óz ishine aladı.
Mámleketlik xızmet kórsetilgenligi ushın bazalıq esaplaw muǵdarınıń 10 payızı muǵdarında jıyım óndiriledi.
Bunda Maǵlıwmatlar real waqıt rejiminde tayarlanadı hám arza beriwshige usınıladı
Sonıda atap aytıp ótiw kerek Arza beriwshiler Ózbekstan Respublikasında dizimnen ótken qálegen avtomobil haqqında maǵlıwmat alıwı múmkin.
Bul qarardan gózlengen maqset «Puqaralar emes hújjetler háreketlenedi» principi tiykarında qaǵazbazlıqtıń aldın alıw puqaralardıń waqtın tejew hámde mámleketlik uyımlarǵa puqaralardıń isenimin elede arttırıw bolıp tabıladı.
Qaraózek rayonı Ádillik bólimi
Mámleketlik xızmetler orayı bólim baslıǵı A.Dosımbetov