Янгиликлар
28
Huqıqıy xızmet kórsetiw tarawında 2023-jıl 6 ayı dawamında ámelge asırılǵan jumıslar haqqında.
Huqıqıy xızmet kórsetiw tarawında 2023-jıl 6 ayı dawamında bir qatar jumıslar ámelge asırıldı.
Huqıqıy xızmet kórsetiw tarawında:
Notariat institutın rawajlandırıw, tarawdı elede jetilistiriw maqsetinde bir qatar normativ-hújjetler qabıl etildi.
Maǵlıwmat ushın: házirde Qaraqalpaqstan Respublikasında 59 jeke ámeliyat penen shuǵıllanıwshı notariuslar óz jumısların alıp barmaqta.
Ózbekstan Respublikası “Mediaciya haqqında”ǵı Nızamına muwapıq ministrlik tárepinen professional mediatorlar reestrı júrgiziliwi jolǵa qoyılǵan hám mediatorlardı tayarlaw arnawlı oqıw kursların tamamlaǵan jámi 65 jeke ámeliyat penen shuǵıllawshı notariuslar professional mediatorlar reestrine kirgizildi.
Advokatura tarawında:
Búgingi kúnde Respublika aymaǵında jámi 115 advokatlıq dúzilmeleri óz iskerligin kórsetip, sonnan 2 advokatlar kollegiyası,11 advokatlıq firması hámde 102 advokatlıq byuroları jumıs islemekte.
2023-jıl 6 ayda jámi 15 talabanǵa advokatlıq licenziyaları berildi.
Huqıqıy ekspertiza tarawı:
Huqıqıy ekspertiza tarawında 2023 jıldıń 2-shereginde ministrlik hám rayon (qala) ádillik bólimlerine huquqıy ekspertizadan ótkeriw ushın jergilikli mámleketlik hákimiyatı uyımları tárepinen huqıqıy ekspertizadan ótkeriw ushın jámi
129 jámi normativ tústegi qararlar joybarları kelip túsken, usınnan 91 normativ tústegi qarar joybarlarına unamlı juwmaqlar, 15 kararlar joybarlarına unamsız juumak berilgen bolsa, 23 hújjet joybarlarına nızamshılıq talaplarına muwapıq bolmaǵınlıǵı sebepli qayta kórip shıǵıw ushın qaytarıldı.
Bunnan tısqarı, ministrlik tárepinen “E-qarar” elektron sisteması arqalı monitoring etiw arqalı hákimlikler tárepinen nızamshılıqqa qayshı bolǵan jámi 102 hújjetler (36 hákim qararı, 56 hákim biyligi hám 10 Keńes qararı) qabıl etilgenligi anıqladı.
Joqarıdaǵı jaǵdaylar boyınsha ministrlik hám rayon (qala) ádillik bólimleri tárepinen tiyisli hákimliklerge 22 usınıslar kiritilip, 27 hákimlik hújjetleriniń biykar etildi, 8 hújjet ámeldegi nızam hújjetlerine muwapıqlastırıldı hámde keleshekte bunday qáte Yuridikalıq xızmetler orayları iskerliginde:
Ózbekstan Respublikası Prezidentiniń 2021-jıl 29-iyun kúni qabıl etilgen “Mámleketlik uyımları hám shólkemlerine yuridikalıq xızmet kórsetiw iskerligin elede jetilistiriw
is-ilájları haqqında”ǵı PQ-5168-san qararına tiykar,
2021-jıldıń 1-oktyabr sánesinen baslap ministrlik rayon (qala) ádillik bólimleri quramında 17 Yuridikalıq xızmet kórsetiw orayları shólkemlestirildi.
Búgingi kúnde Yuridikalıq xızmet kórsetiw orayları tárepinen 20 mámleketlik uyım hám shólkemlerge, sonıń menen birge 726 mámleketlik ulıwma bilim beriw mektepleri, 436 mámleketlik mektepke shekemgi bilimlendiriw shólkemleri hámde 97 kóp tarmaqlı oraylasqan hám shańaraqlıq poliklinikalarǵa yuridikalıq xızmet kórsetilmekte.
2023-jıl dawamında usı Oraylarǵa huquqıy ekspertizadan ótkeriw ushın 224 119 hújjet joybarları kelip túsken bolıp, sonnan
163 208 buyrıq joybarları hám 60 911 shártnama joybarları bolıp tabıladı.
Usı kelip túsken hújjetlerdiń 211 524na nızamshılıqqa muwapıqlıǵı boyınsha unamlı (muwapıqlıq) juwmaqlar berildi, 1392 hújjetge nızamshılıqqa muwapıq bolmaǵanlıǵı ushın unamsız juwmaq berildi hámde 9 647 hújjetge qáte-kemshilikler bolǵanlıǵı sebepli orınlawshılarına qayta kórip shıǵıw ushın qaytarıldı, 1556 hújjet qadaǵalawda.
Bunnan tısqarı, Oraylar tárepinen yuridikalıq xızmet kórsetiletuǵın shólkemler xızmetkerlerine hámde ǴXQı hám sociallıq tarmaqlar arqalı 11 mıńnan artıq huqıqıy úgit-násiyat ilajları ótkerdi.
Mámleketlik uyımları xám shólkemleri yuridikalıq xızmeti iskerliginde:
Ózbekstan Respublikası Prezidentiniń 2017-jıl 19-yanvardaǵı
PQ-2733-sanlı Qararı menen Ózbekstan Respublikası Ádillik ministrligi yuridikalıq xızmetler iskerligin muwapıqlastırıw hám metodikalıq támiyinlew, olardıń xızmetkerlerin attestatsiyadan ótkeriw hám mamanlıǵın asırıw boyınsha arnawlı wákillik organ etip belgilendi.
Qarar menen mámleketlik shólkemlerı hám uyımlarınıń yuridikalıq xızmetı xızmetkerlerin lawazımǵa tayınlaw hám lawazımnan azat etiw máseleleri májburiy tártipte ádillik uyımları menen kelisiliwi, mámleketlik shólkemlerı hám uyımlarınıń yuridikalıq xızmetı xızmetkerleri nızamshılıqta belgilengen tártipte hár úsh jılda keminde bir ret mamanlıǵın asırıwı hámde hár úsh jılda bir ret attestatsiyadan ótıwı, mámleketlik shólkemlerı hám uyımlarınıń yuridikalıq xızmetı xızmetkerlerine ádillik uyımları xızmetkerlerine belgilengen mártebe dárejelerin beriliwi, kóp jıllıq xızmetı ushın ústemelerdi tólew tártibi qollanıwı belgilendi.
Sonday-aq, usı Qararda ádillik uyımları yuridikalıq xızmet iskerligin tártipke salıwshı nızamshılıq talapların buzǵan mámleketlik shólkemlerı hám uyımlarınıń basshıları hámde yuridikalıq xızmetı xızmetkerlerine qarata ıntızamiy ıstı qozǵatıw baslaması menen shıǵıw huqıqı belgilendi.
Qaraqalpaqstan Respublikası Ádillik ministrligi tárepinen yuridikalıq xızmet tarawındaǵı nızamshılıq hám húkimet qararları talapların orınlaw maqsetinde 2023-jıl 6-ayında kólemlı isler ámelge asırıldı.
Atap aytqanda, Ádillik ministrligi tárepinen usı dawir ishinde mámleketlik shólkemlerı hám uyımlarınıń yuridikalıq xızmetı xızmetkerlerin lawazımǵa tayınlaw boyınsha 37 talabanlar sáwbetten ótkerildi, 43 yuridikalıq xızmetı xızmetkerleri attestaciyadan ótkerildı, 9 xızmetkerge arnawlı mártebe dárejelerı beriliwi támiyinlendi.
Sonday-aq, Ádillik ministrligi tárepinen yuridikalıq xızmet iskerligin tártipke salıwshı nızamshılıq talapların buzǵan mámleketlik shólkemlerı hám uyımlarınıń basshıları hámde yuridikalıq xızmetı xızmetkerlerine qarata 8 usınıs, 18 eskertiw xatları kiritildi.
Notariat, advokatura hám huqıqıy xızmetler bólimi baslıǵı P.Kojametov