Янгиликлар
25
Mámleketimizde isbilermenlik subektlerine jaratılıp atırǵan jeńillikler haqqında
Mámleketimiz ǵárezsizlikke eriskenli berli, erkin bazar ekonomikası hám kúshli sociallıq qorǵaw sistemasına tiykarlanǵan demokratiyalıq huqıqıy mámleket, ádalatlı puqaralıq jámiyetin qurıw jolında sistemalı jumıslar ámelge asırıp kelinip atır.
Konstituciyamız hám ol tiykarda qabıl etilgen nızamlar hám de olarǵa ózgeris hám qosımshalar kirgiziw jolı menen qollanıw atırǵan jańalıqlardıń túpkilikli negizinde eń birinshi náwbette insan mápi, onıń huqıq hám erkinliklerin bekkem qorǵaw, el-jurt párawanlıǵı hám adamlardıń turmıs dárejesin kóteriw sıyaqlı iygilikli maqsetler quraydı.
Ekonomikanı erkinlestiriw, kishi biznes hám jeke isbilermenlikti qollap-quwatlawdıń nátiyjeli mexanizmlerin jaratıw tarawına mámleket siyasatı dárejesinde saldamlı itibar qaratılıp, buǵan baylanıslı ámeldegi nızamshılıq túpten reforma etilip atırǵanlıǵın keyingi jıllarda qabıl qılınıp atırǵan nızam hám nızam astı hújjetleri menen belgilep berilip atırǵan jańa nızam -qaǵıydalar tolıq tastıyıqlaydı.
Atap aytqanda, “Jeke menshik, kishi biznes hám jeke isbilermenlikti isenimli qorǵawdı támiyinlew, olardı jedel rawajlandırıw jolındaǵı tosqınlıqlardı saplastırıw ilajları haqqında”ǵı Respublikamız Prezidentiniń PF-4725-san Pármanı, “Ózbekstan Respublikasınıń ayırım nızam hújjetlerine jeke menshikti, isbilermenlik subyektlerin isenimli qorǵawdı jáne de kúsheytiwge, olardı jedel rawajlandırıw jolındaǵı tosqınlıqlardı saplastırıwǵa qaratılǵan ózgeris hám qosımshalar kirgiziw haqqında”ǵı Nızamnıń qabıl etiliwi jeke menshiktiń ornı hám rolin túpten asırıw, tarawdaǵı túrli tosıq hám sheklewler absolyut saplastırıw jolında taslanǵan náwbettegi ózine isenimli qádem bolıp, ekonomikada mámleket qatnasıwın kemeytiw, jalpı ishki ónimde jeke menshik, atap aytqanda, sırt el kapitalı qatnasıwındaǵı úlesti asırıw ushın qolay shárt-sharayat jaratıw hám isbilermenlik iskerligin júrgiziw ushın zárúr ruxsat beriw tártip-dástúrleriniń dizimi hám túrlerin keskin kemeytiw ushın tárepke keń jol ashtı.
Nızamǵa kóre Ózbekstan milliy nızamshılıq bazasındaǵı 43 nızamǵa (10 kodeks, 33 ámeldegi nızam ) ózgertis hám qosımshalar kirgizildi.
Nızam tiykarında nızam hújjetlerine ózgertiwler kirgiziw tómendegi jónelisler boyınsha ámelge asırıldı :
-isbilermenlik iskerligine nızamǵa qarsı aralasıw hám tosqınlıq etiw, jeke menshik huqıqların buzǵanlıq ushın mámleket, huqıqtı qorǵawshı hám qadaǵalaw etiwshi organlardıń lawazımlı shaxsları juwapkershiligin jınayatlı juwapkerlikke tartıw dárejesine shekem asırıw;
-jeke menshikti qorǵaw kepilligin kúsheytiw, isbilermenlik iskerligin tártipke salatuǵın basqarıw hám jınayat nızamshılıǵın liberallastırıw processin dawam ettiriw;
-barlıq túrdegi dizimnen ótkeriw, ruxsat beriw hám licenziyalaw, sonıń menen birge, sırtqı ekonomikalıq iskerlikti ámelge asırıw menen baylanıslı tártip-dástúrlerdi jáne de ápiwayılastırıw ;
-jeke menshik hám jeke isbilermenlikti jedel rawajlandırıw ushın zárúr shárt-sharayat hám múmkinshilikler jaratıw, olardıń materiallıq hám kredit resurslarınan paydalanıwın keńeytiw, biznes ortalıǵın jaqsılaw.
Shımbay rayonı ádillik bólimi Yuridikalıq
xızmet kórsetiw orayı bas yuriskonsultı A.Nurabullayev