Янгиликлар
25
Xojeli rayonı ádillik bóliminiń Yuridikalıq xızmet kórsetiw orayı tárepinen 2023-jıldıń birinshı altı aylıǵında ámelge asırılǵan jumıslardıń analizi
Ózbekstan Respublikası Prezidentiniń 2021-jıl 29-iyun kúngi “Mámleketlik organları hám shólkemlerine yuridikalıq xızmet kórsetiw iskerligin jáne de jetilistiriw ilajları haqqında”ǵı PQ-5168-sanlı qararı menen tastıyıqlanǵan rejede Oraylarǵa belgilep berilgen wazıypa hám funkciyalardan kelip shıǵıp Xojeli rayonı ádillik bóliminiń Yuridikalıq xızmet kórsetiw orayı tárepinen 2023-jıldıń birinshi altı aylıǵı dawamında yuridikalıq xızmet kórsetiliwi belgilenge mámleketlik mákeme hám shólkemlerden “E-huquqshunos” elektron sisteması arqalı ulıwma 43844 hújjet kelip túsken bolıp, sonnan 12278 dana shártnama hám 31566 dana buyrıq joybarların quraydı.
Bul hújjetlerdi huqıqıy ekspertizadan ótkiziwde 43271 hújjetke unamlı juwmaqlar berilip, 3 hújjettiń nızam hújjetlerine muwapıq emesligi sebepli unamsız juwmaqlar berildi, al, 570 hújjetlerdiń kemshiligi bar ekenligi ushın hám olardı saplastırıwı maqsetinde qaytarılǵan.
Bunnan tısqarı, jıl basınan iyun ayınıń 30-sánesi halatına yuridikalıq xızmet kórsetiletuǵın mákemelerdiń mápin kózlep 6 mártebe sud islerinde qatnasıldı. Sonnan 5 istiń nátiyjesi qanaatlandırılıp, 1 is qısman qanaatlandırıldı. Sonday-aq, xojalıq hám puqaralıq shártnamalardıń orınlanıwınıń támiyinleniwi keshiktirilgeni múnásibeti menen yuridikalıq xızmet kórsetiletuǵın mákemelerdiń mápin gózlep 34 talapnama kitgizilip, qanaatlandırıldı.
Ótken altı ay juwmaǵı boyınsha Oray tárepinen ǵalaba xabar quralları arqalı 36 mártebe shıǵıwlar ámelge asırılıp, sonnan 4 mártebe gazetalar arqalı, rásmiy saytlar arqalı 5 mártebe maqalalar shıǵarıldı, sonday-aq, televidenie arqalı 18 mártebe huqıqıy kórsetiwler, radio arqalı 7 mártebe esittiriwler ámelge asırıldı.
Sonıń menen birge turaqlı túrde yuridikalıq xızmet kórsetiletuǵın mákemelerde islewshi xızmetkerler arasında awızeki túrde úgit-násiyat jumısları ámelge asırılıwı dawam etpekte.
Xojeli rayonı ádillik bóliminiń
Yuridikalıq xızmet kórsetiw
orayı baslıǵı N.Berdiniyazova