Янгиликлар
25
Medicina xızmetkerlerine materiyallıq járdem beriw hám xoshametlew tártibi haqqında
Ózbekstan Respublikası ádillik ministrligi tárepinen 2023-jıl 16-yanvarda 3416-san menen dizimnen ótkizilgen «Medicina mákemelerin materiyallıq xoshametlew hám rawajlandırıw qorı haqqında» ǵı Rejege muwapıq, usı Reje tiykarında medicina mákemelerin materiyallıq xoshametlew hám rawajlandırıw qorı (keyingi orınlarda qorı dep júritiledi) qárejetlerin qáliplestiriwdi hám olardan paydalanıw tártibin belgileydi.
Qorı qárejetleri esabınan medicina mákemeleri xızmetkerlerin materiyallıq xoshametlew, medicina mákemeleri materiyallıq texnikalıq bazasın bekkemlew, modernizaciya qılıw hám úskenelew tiyisli ráwishte usı maqsetler ushın ashılǵan jeke ǵazna esap betlerindegi bar bolǵan qárejetler qaldıǵı sheńberinde ámelge asırıladı.
Qor qárejerleri eki jónelis boyınsha sarıplanadı hám de olardıń esabı óz aldına jeke esap betlerinde júritiledi:
75 payızı barlıq mámleketlik medicina mákemeleri medicina, farmacevtika hám basqa xızmetkerlerdi materiyallıq xoshametlewge (jumısqa hújdanan múnásebeti hám kórsetilip atırǵan medicina járdeminiń joqarı sıpatı ushın bazalıq tarif stavkasına (aylıq lawazım haqısı) aylıq ústemelew belgilew, materiyallıq járdem hám sıylıqlaw tólew formasında is haqıdan ajıratpalar menen birgelikte), al 25 payızı medicina mákemesiniń materiyallıq-texnikalıq bazasın bekkemlew, modernizatciya hám de úskenelewge.
Qor qárejetleri esabınan medicina mákemeleri xızmetkerlerin materiyallıq xoshametlewdiń tómendegi túrleri qollanıladı:
Medicina mákemeleriniń joqarı dárejeli, ayrıqsha nátiyjege erisken, hadal hám hújdanan islep atırǵan medicina hám farmasevtika xızmetkerlerine aylıq lawazım haqısınıń 100 payızına shekem hám de basqa xızmetkerlerge 75 payızına shekem aylıq ústemeler;
Jańa jumıs baslap atırǵan tájriybeli jas shıpakerlerge 1 million sumǵa shekem arnawlı aylıq ústemeler;
Shańaraqlıq shıpakerlik punkleri, shańaraqlıq poliklinikalar hám kóp tarmaqlı oraylıq poliklinikalarǵa kúndizgi stacionar jumıs waqtın saat 20:00 ge shekem uzayttırıw esabına ekinshi smenada islewshi shıpaker hám de miyirbekelerge lawazım is haqısınıń 30 payızına aylıq qosımsha ústemeler;
Medicina mákemeleri barlıq medicina mákemeleri kásiplik hám basqa bayramlar múnásibeti menen beriletuǵın sıylıqlaw pulları, sonday-aq, materiyallıq járdem pulları beriledi.
Tájriybeli jas shıpakerler ushın 1 million sumǵa shekem arnawlı aylıq ústemeler olardıń birinshi úsh jıllıq miynet iskerligi ushın belgilenedi. Bunda jańa jumıs baslaǵan jas shıpakerler ushın hár ayda birinshi jıl ushın – 1 million sumǵa shekem, ekinshi jılı ushın – 750 mıń sumnan, úshinshi jıl ushın 500 mıń sumnan arnawlı ústemeler belgilenedi.
Sonday-aq, medicina mákemeleri xızmetkerlerine olardıń múrájátına kóre yaki tiyisli medicina mákemesiniń kásiplik awqamı shólkeminiń baslaması menen (jaqın aǵayınleriniń qaytıs bolıwı, awır jaraqatlar alıwı, nawqas bolıwı, tábiyiy apatlar aqıbetlerinde) materiyallıq járdem beriliwide kórsetilgen.
Xojeli rayonı ádillik bóliminiń
Yuridikalıq xızmet kórsetiw
orayı bas yuriskonsultı G.Faxratdinova
G.Faxratdinova