Янгиликлар

Qanlıkól rayonı ádillik bólimi tárepinen 2023-jıl 6 ayı (I yarım jıl) dawamında islengen jumısları haqqında Maǵlıwmat

Ózbekstan Respublikası Prezidentiniń 2018 jıl 13 apreldegi “Mámleketlik huqıqıy siyasattı ámelge asırıwda ádillik uyımları hámde mákemeleri jumısların túp-tiykarınan jetilistiriw is-ilajları haqqında”ǵı PP-5415-sanlı Pármanı menen rayon(qala) ádillik bólimleri shólkemlestirildi.

Ádillik bólimleriniń tiykarǵı wazıypaları:

hákimlerge hámde mámleketlik uyımları hamde shólkemleriniń  rayonlar(qalalar) bólimlerine nızamlar hám basqa normativ-huqıqıy hújjetlerdi qollaw máseleleri boyınsha másláhátler beriw;

 mámleketlik uyımları hamde shólkemleriniń rayon(qala) bólimleriniń nızamlar hám basqa normativ-huqıqıy hújjetler orınlanıwın shólkemlestiriw boyınsha iskerligine metodikalıq basshılıq qılıw hámde muwapıqlastırıw;

qabıl etilip atırǵan nızamlar hámde basqa normativ-huqıqıy hújjetlerdiń mazmun-mánisin hám áhmiyetin rayonlar bólimlerindegi orınlawshılarǵa jetkeriw, «respublika— wálayat — rayon — máhalle» principi boyınsha huqıqıy úgit nasiyat hámde xalıqtıń huqıqıy sawatsızlıǵına shek qoyıw boyınsha, sol qatarda huqıqtı qorǵaw hámde sud uyımları menen birgelikte is-ilajlardı ámelge asırıw;

rayonlar (qalalar) hákimleri hámde xalıq deputatları Keńesleriniń normativ-huqıqıy tústegi qararların nızam hújjetlerine, mámleketimizde ámelge asırılıp atırǵan reformalardıń maqset hámde wazıypalarına muwapıqlıǵı kóz qarasınan huqıqıy ekspertizadan ótkeriw;

huqıqtı qollaw ámeliyatın úyreniw hámde analizlew, onıń turaqlılıǵı hámde bir qıylılıǵın tamiyinlew boyınsha usınıslardı islep shıǵıw;

puqaralardıń kúndelikli ómirinde ushırasatuǵın huqıqıy mashqalalardı analiz etip barıw, anıqlanǵan kemshiliklerdi saplastırıw boyınsha sociallıq múnasibetlerdi tártipke salıwshı nızam hújjetleri jetilistiriliwin támiyinlew;

ınsan huqıqların qorǵaw boyınsha is-ilajlardı ámelge asırıw, óz wákillikleri sheńberinde fizikalıq hám yuridikalıq shaxslardıń múrájatların kórip shıǵıw;

mámleketlik uyımlar hámde shólkemleriniń rayon(qala) bólimlerinde huqıqıy islerdiń jaǵdayın monitoring etiw, sonday-aq, olardıń yuridikalıq xızmetleri iskerligin muwapıqlastırıw, qadaǵalaw hám metodikalıq támiyinlew;

mámleketlik xızmetlerı orayları hám olardıń filialları, PHAJ organları hámde yuridikalıq xızmet kórsetiw oraylarınıń iskerligi ústinen ulıwma basshılıq hám qadaǵalawdı ámelge asırıw belgilengen.  

Qanlıkól rayonı ádillik bólimi tárepinen 2023-jıl 6 ayı (I yarım jıllıq) dawamında tómendegi jumıslar ámelge asırıldı.

Bólim tárepinen fizikalıq hámde yuridikalıq shaxslardıń mashqalaların orınlarda sheshiw hámde nızam hujjetlerine tiykar huqıqıy túsinikler beriw maqsetinde kóshpeli qabıllawlar ótkeriw belgilengen bolıp, huqıqtı qorǵaw uyımları hámde basqada tiyisli uyımlar hám shólkemler menen birgelikte rayon aymaǵında jaylasqan APJ, PPJ hám MPJlarda kóshpeli qabıllawlar ótkerildi.

Kóshpeli qabıllawlarda puqaralardı qızıqtırǵan máseleler boyınsha huqıqıy túsinik jumısları hámde nızam hújjetleri boyınsha húqıqıy úgit násiyat jumısları alıp barılıp, puqaralardıń múrájatları qabıllandı hámde sheshildi.

Bólimge kóshpeli qabıllawlar hámde tikkeley fizikalıq shaxslardan túrli máseleler boyınsha 151 múrájatlar kelip túsip, 133 múrájat hal etilip, sonnan 106 múrájat yaǵnıy 79 payızı qanaatlandırıldı, 27 múrájatqa huqıqıy tusinik berildi, 14 múrájat tiyisliligi boyınsha mámleketlik uyımlarǵa sheshiw ushın jiberildi, 4 múrájat keyingi esabat dáwirine úyreniw ushın qaldırıldı.

Monitoring, úyreniwler nátiyjelerine hámde puqaralardıń múrájatlarına tiykar xızmetkerlerge tólenbey kiyatırǵan tólemlerdi óndiriw boyınsha Puqaralıq isleri boyınsha Qońırat rayonlararalıq sudlarına jámi 26 yaǵnıy 2 dawa arza hám 24 yuridikalıq fakt belgilew boyınsha arza kiritilip, 1 dawa arza qanatlandırılıp 513000 sum tóleniwi belgilendi, 1 dawa arza puqaranıń iltimasına kóre sud tárepinen kórmesten qaldırıldı. 21 ólgenlik fakti boyınsha arzalar qanatlandırılıp,  3 yuridikalıq fakt belgilew boyınsha arza kórip shıǵıw ushın  keyingi esabat dáwirine qaldırıldı.

Sonday-aq, 10 puqaralardıń pensiya is stajı máselesinde huqıq hám máplerin qorǵaw maqsetinde Nókis rayonlararalıq Hákimshilik sudına májbúriyat júklew boyınsha 10 shaǵım arza  kiritilip, 7 shaǵım arza qanatlandırılıp, nátiyjede sud tárepinen 7 hújjet haqıqıy emes deb tabıldı, 3 shaǵım arza kórip shıǵıw ushın  keyingi esabat dáwirine qaldırıldı.

Sonday-aq, puqaralardıń múrájatlarına hámde ótkerilgen monitoringler hám bólim tárepinen kiritilgen usınıslar nátiyjesinde puqaralarǵa tólenbey qalǵan 46.651.891(qırıq altı million altı júz eliw bir mıń segiz júz toqsan bir) sum is haqıları, ústeme pulları hám qosımsha tólemler tólep berildi.         

Bólim tárepinen mámleketlik uyımlar hám shólkemlerde Nızam hújjetlerine boysınılıwı hámde huqıqtı qollaw ámeliyatı boyınsha  mákeme hám shólkemlerde 7 úyreniwler hámde 19 monitoring ótkerilip úyreniwlerde 983 nızambuzıwshılıq halatları anıqlandı.

Bólim tárepinen ótkerilgen úyreniwler, monitoringler, puqaralardıń múrájatları júzesinen, tapsırma xatlar hám buyrıqlar orınlanıwın tamiyinlew júzesinen mámleketlik uyımlar hám shólkemlerge 24 usınıslar, 11 hákimshilik juwapkershilikke tartıw boyınsha usınıslar berilip, usınıslar nátiyjesine kóre 10 lawazımlı shaxslar hám juwapker xızmetkerler hákimshilik juwapkershilikke tartıldı, 9 xızmetker intızamiy juwapkershilikke tartıldı.

Bólimniń  rayonlar (qalalar) hákimleri hámde xalıq deputatları Keńesleriniń normativ-huqıqıy tústegi qararların nızam hújjetlerine, mámleketimizde ámelge asırılıp atırǵan reformalardıń maqset hámde wazıypalarına muwapıqlıǵı kóz qarasınan huqıqıy ekspertizadan ótkeriw wazıypasına muwapıq Xalıq deputatları Qanlıkól rayonı Keńesiniń hám Qanlıkól rayonı hákiminiń 12 normativ-huqıqıy  tústegi qarar joybarı huqıqıy ekpertizadan ótkeriliwi ushın usınılıp, belgilengen talaplarǵa ámel etilmey usınılǵanlıǵı ushın 5 qarar joybarı qaytarıldı.

Xalıq deputatları Qanlıkól rayonı Keńesiniń 5 normativ-huqıqıy tústegi qarar joybarı Qanlıkól rayonı hákiminiń 2 normativ-huqıqıy tústegi qarar joybarı huqıqıy ekpertizadan ótkeriliwi ushın usınılıp, huqıqıy ekpertizadan ótkerilip juwmaq berildi.

“E-qaror” jergilikli atqarıwshı hákimiyat organları tárepinen qabıl etilip atırǵan qararlardı islep shıǵıw, kelisiw hám dizimnen ótkeriwdiń birden-bir elektron sisteması engizilip, rayon hákimligi hámde rayon Xalıq deputaları Keńesi tárepinen qabıl etilip atırǵan bárshe qararları “E-qaror” sisteması arqalı monitoring etilmekte.

Jámiyetde huqıqıy sana sezim hámde huqıqıy mádeniyattı artırrıw hámde xalıqtıń huqıqıy sawatxanlıǵın asırıw maqsetinde brifing materialları hámde jańadan qabıl etilip atırǵan nızam hújjetlerine tiykar máhálle, bilimlendiriw mákemeleri hámde miynet jámáátlerinde (Ádillik bólimi, Mámleketlik xızmetler orayı, PXAJ, Yuridikalıq xızmet kórsetiw orayı tárepinen) 490 awızeki sonnan 126 úyme-úy, 16 kórgizbeli, 11 televidenie, 35 radio, 8 gazeta, 77 márte veb-saytlar hámde sociallıq tarmaqlar arqalı jami 637 húqıqıy úgit nasiyat ilajları alıp barıldı.

         Rayondaǵı 40 dan artıq mákeme hámde shólkemlerge 400 den artıq jańadan qabıl etilip atırǵan nızamshılıq hújjetleri elektron birge islesiw arqalı jetkerip berildi.

           Rayondaǵı bir qatar mákeme hámde shólkemlerde xızmetkerler ushın nızamshılıq hújjetleri boyınsha tastıyıqlanǵan  reje grafikler tiykarında másláhat kursları hámde seminarlar ótkerildi.

Bólimniń puqaralardıń kúndelikli ómirinde ushrasatuǵın huqıqıy mashqalalardı analiz etip barıw, anıqlanǵan kemshiliklerdi saplastırıw boyınsha sociallıq múnasibetlerdi tártipke salıwshı nızam hújjetleri jetilistiriliwin támiyinlew wazıypasınan kelip shıqqan halda bólim tárepinen nızam hújjetlerin jánede jetilistiriw boyınsha 2 usınıslar berildi hám dawam etpekte.

Mámleketlik xızmetlerı orayları hám olardıń filialları, PHAJ organları hámde yuridikalıq xızmet kórsetiw oraylarınıń iskerligi ústinen ulıwma basshılıq hám qadaǵalawdı ámelge asırıw wazıypasınan kelip shıqqan halda mámleketlik xızmetlerı orayı, PHAJ bólimi hámde yuridikalıq xızmet kórsetiw oraylarınıń iskerligi ústinen ulıwma basshılıq hám qadaǵalaw ámelge asırılıp kelinbekte.