Янгиликлар
21
Jer uchastkaların menshiklestiriw boyınsha mámleketlik xızmetlerin kórsetiwdiń tártibi belgilendi
Ózbekstan Respublikası Ministrler Kabinetiniń 2022-jıl 14-apreldegi «Awıl xojalıǵına mólsherlenbegen jer uchastkaların menshiklestiriw haqqında» ǵı Ózbekstan Respublikası Nızamın ámelge asırıw is-ilájları haqqında» ǵı 71-sanlı qararı menen Ózbekstan puqaraları hám yuridikalıq shaxslarına turaqlı paydalanıw (iyelik etiw), ijara hám miyras etip qaldırılatuǵın ómirlik iyelik etiw huqıqı tiykarında tiyisli bolǵan jer uchastkaların menshiklestiriw boyınsha mámleketlik xızmetlerin kórsetiwge baylanıslı hákimshilik reglament tastıyıqlandı.
Hákimshilik reglamentke tiykar, jer uchastkaların menshiklestiriw boyınsha mámleketlik xızmeti Mámleketlik xızmetler orayları yaki Birden-bir interaktiv mámleketlik xızmetler portalı (my.gov.uz) arqalı kórsetiledi.
Bunda arza toltırılıp, arzaǵa tómendegiler qosımsha qılınadı:
-isenim xat (arza beriwshiniń wákili múrájat etkende);
-jer uchastkasın menshiklestiriw haqqındaǵı qarar (arza beriwshi-yuridikalıq shaxs bolsa).
Arza rayonlıq (qala) qurılıs bólimi, kadastr filialı tárepinen kórip shıǵılıwı ushın «Yerxususiylashtirish» axborot sistemasına jiberiledi.
Kadastr filialı arza túsken kúnnen 5 jumıs kúninde maǵlıwmatlardı tekseredi.
Rayon (qala) qurılıs bólimi 3 jumıs kúninde jer jaylasqan aymaqtıń (elatlı punkti yaki olar arasındaǵı aymaqtı) rawajlandırılıwın qalasazlıq tárepinen rejelestiriw haqqındaǵı hámde olardı qurıw haqqındaǵı tastıyıqlanǵan hújjetlerge jer uchastkası jaylasıwınıń muwapıqlıǵın kórip shıǵadı.
«Yerxususiylashtirish» axborot sistemasında arza nátiyjeleri boyınsha (kelisilgenligi yaki biykar etilgenligi) xabarnama kórsetilip, arza beriwshige jiberiledi.
Soǵan kóre, arza beriwshi 10 jumıs kúninde jerdi satıp alıw tólemin tóleydi.
Tólem óz waqtında tólengende, jerge múlk huqıqın beriwshi mámleket orderi qáliplestiriledi.
Kadastr basqarması order tiykarında 2 jumıs kúninde jerge bolǵan huqıqtı mámleketlik dizimnen ótkeredi hám onnan kóshirmeni arza beriwshige yaki Mámleketlik xızmetler orayına jiberedi.
Mámleketlik xızmetin kórsetiw ushın bazalıq esaplaw muǵdarınıń 10 payızı (33 mıń swm) muǵdarında jıyım óndiriledi.
Birden-bir interaktiv mámleketlik xızmetler portalı arqalı xızmet kórsetilgende jıyım muǵdarı 29 700 swmdı quraydı.
Jıyımlar hám menshiklestirilip atırǵan jer uchastkasınıń satıp alıw qunı tólengenligi «Yerxususiylashtirish» axborot sisteması arqalı ámelge asırıladı.
Reglament kishi sanaat, jaslar sanaat hám isbilermenlik zonaları qatnasıwshılarına berilgen jer uchastkalarına qollanılmaydı.
Kegeyli rayonı ádillik bólimi,
mámleketlik xızmetler orayı
direktorı A.K.Dauekeev.