Янгиликлар
17
Mámleketlik xızmetlerdi kórsetiwde múrájatlar menen islesiw tarawında ámelge asirilip atirg'an ilajlar
Búgingi kúnde mámleketimizde insan mápleri joqarı qádiriyat dárejesine kóterilgen bolıp, bunda barlıq ilajlar «Insan qádiri ushın», al iygilikli ámeller bolsa «Insan mápleri hámme nárseden ústem» - degen princip tiykarında turmısta óz sáwleleniwin tawıp atır. Bunda puqaralardıń mashqalaların úyreniw hám saplastırıw, nızamlı máplerin támiyinlew jolında barlıq ilajlar kórilmekte.
Shomanay rayonı ádillik bólimi mámleketlik xızmetler orayı tárepinen ámelge asırılǵan jumıslar haqqında aytıp ótetuǵın bolsaq, 2023-jıldıń iyul ayına shekemgi kórsetilgen xızmetler sanı 10 mıńnan zıyat bolıp, bul óz gezeginde oraylar arqalı kórsetilip atırǵan xızmetlerge xalqımızdıń talabı kúshli ekenliginen derek bermekte. Búgingi kunde oray tárepinen 200 den aslam mámleketlik xızmetler kórsetilmekte.
Rayon orayınan alıs aymaqlarda jasawshı awıl turǵınlarına qolaylıq jaratıw hám olardıń qımbatlı waqtın tejew maqsetinde hár bir awıl hám mahelle puqaralar jıyınları kesiminde kóshpeli xızmet kórsetiw grafikleri tastıyıqlanǵan bolıp turaqlı túrde ma’mleketlik xızmetler kársetilip kelinbekte.
Atap aytqanda orayǵa berilgen damas avtomobili menen alıs aymaqlarǵa shıqqan halda xalqımızǵa qolaylılıq jaratıw maqsetinde usı jıldıń 6 ayı dawamında 2000 nan zıyat mamleketlik xızmetler kórsetildi.
Jánede oraydaǵı barlıq xızmetlerden orayǵa kelip yaki úyden shıqpastan birden bir interaktiv xızmetler portalı arqalı hám óziniń jasaw yaki turaqlı jasaw mánzilinen qattiy názer qálegen ózine jaqın bolǵan mámleketlik xızmet orayına barıp xızmetlerden paydalanıw mumkin. Úyden shıqpastan birden bir interaktiv xızmetler portalı arqalı mámleketlik xızmetlerden paydalanıwshılar sanı jıldan jılǵa asıp barmaqta mısal retinde ótken 6 ay dawamında 5000 nan aslam mamleketlik xızmetler onlayn tárizde paydalanılǵan. Joqarıda keltirilgenler tek ǵana sanlı kórsetkishler emes bálkim puqaralardıń kundelikli ham jıllar dawamında qıynap kelgen mashqalaları ham máseleleriniń jámlenbesi desekte qátelespegen bolamız.
Mámleketlik xızmetler orayı hár qashanda xalqımızǵa xızmet kórsetiwge tayın ekenligin ham buǵan bekkem bel baylaǵanlıǵın xalqımızǵa bárelle aytqımız keledi.
Shomanay rayonı ádillik bólimi
Mámleketlik xızmetler orayı bólim baslıg’ı AKBAR ORAZBAYEV