Янгиликлар
12
Reklama haqqındaǵı nızamshılıqtı buzǵanlıq ushın juwapkershilik
Bizler turmısımız dawamında hár kúni kóplegen hár turli reklamalarǵa dus kelemiz. Bul reklamalardı tarqatıw tiykarınan Ózbekstan Respublikası Reklama haqqındaǵı nızamı menen tártipke salınadı hám reklamalardı nızamsız túrde tarqatıwǵa da nızamda juwapkershilik belgilep qoyılǵan.
Ózbekstan Respublikasınıń Reklama haqqındaǵı Nızamı 2022-jıl 7-iyun kúni qabıl etilgen bolıp, bul nızamnıń maqseti reklamanı tayarlaw, jaylastırıw hám tarqatıw tarawındaǵı múnásibetlerdi tártipke salıwdan ibarat.
Nızamǵa muwapıq reklamanıń aylanıwı (reklamanı tayarlaw, jaylastırıw hám tarqatıw) tarawın tártipke salıw menen birge, bul nızamshılıqtı buzǵanlıq ushın juwapkershilik máselesin de belgilep berilgen.
Xosh, reklama degenimizdiń ózi ne?
Nızamnıń 5-statyasına tiykar, reklama – hár qanday reklama qurallarınan paydalanǵan halda tarqatılatuǵın, mazmunı Ózbekstan Respublikası aymaǵında bolǵan reklamadan paydalanıwshılarǵa qaratılǵan hám reklama obiektine itibardı tartıw, oǵan bolǵan qızıǵıwdı qáliplestiriw yáki qollap-quwatlar, sonday-aq onı bazarda tuwrıdan-tuwrı yáki basqa da qurallar arqalı payda (dáramat) alıw maqsetinde júritiw ushın mólsherlengen arnawlı informaciya bolıp tabıladı.
Sonday-aq, Reklama haqqındaǵı nızamshılıqtı buzǵanlıq ushın finanslıq sankciyalar Nızamnıń 47-statyasında belgilengen bolıp, oǵan kóre tómendegi muǵdarlarda pul óndiriw (járiymalar) qollanıladı:
- islep shıǵarılıwı, realizaciya qılınıwi yáki reklama qılınıwı nızamshılıqta qadaǵan etilgen yáki sheklengen ónim haqqında reklama tarqatqanlıq – bazalıq esaplaw muǵdarınıń júz esesi muǵdarında járiyma salıwǵa;
- maqul kelmeytuǵın reklama bergenlik, qarsı reklamanı beriwdi biykar etkenlik – bazalıq esaplaw muǵdarınıń jetpis esesi muǵdarında járiyma salıwǵa;
- energetik ishimlikler, alkogollı ishimlikler, temeki ónimlerin hámde temekini hám nikotindi paydalanıw qurılmaları, pirotexnika quralları, qural hám onıń oq-dárileri, áskeriy maqsettegi ónimler reklamasına tiyisli talaplardı buzǵanlıq, sonıń menen birge sırtqı reklama hám informaciyanı jaylastırıw tártibin buzǵanlıq – bazalıq esaplaw muǵdarınıń eliw esesi muǵdarında járiyma salıwǵa sebep boladı.
Nızamnıń 49-statyasında bolsa reklama beriwshi, reklama tayarlawshı, reklama tarqatıwshılardıń juwapkershiliginiń ózgeshelik máseleri kórsetip ótilgen.
Bunnan tısqarı, Hákimshilik juwapkershilik haqqındaǵı kodekstiń 1781-statyasına muwapıq, puqaralar hám lawazımlı shaxslar tárepinen reklama informaciyasına tiyisli hújjetler hám materiallardı wákillikli mámleket organına belgilengen múddette usınbaǵanlıǵı yáki bile tura natuwrı maǵlıwmatlar usınılǵanlıǵı. sonday-aq wákillikli mámleket organınıń reklama haqqındaǵı nızamshılıqtıń buzılıwın tamamlaw haqqındaǵı kórsetpesin óz múddetinde orınlamaǵanlıǵı – bazalıq esaplaw muǵdarınıń úsh esesinen bes esesine shekem muǵdarda járiyma salıwǵa sebep boladı delingen.
Sonday-aq, HJhKnıń 1781-statyası ekinshı bóliminde puqaralar hám lawazımlı shaxslar tárepinen natuwrı reklama bergenligi, sırtqı reklamanı jaylastırıw tártibine ámel etilmegenligi yáki qarsı reklama beriwden bas tartqanlıǵı, tap sonday reklama qılınıwı nızamshılıq penen qadaǵan etilgen ónimlerdi reklaam qılıw – bazalıq esaplaw muǵdarınıń bes esesinen jeti esesine shekem járiyma salıwǵa sebep bolatuǵınlıǵı kórsetilgen.
Shomanay rayonı ádillik
bólimi bas másláhátshisi A.Seydabullaev