Янгиликлар
12
Shomanay rayonı ádillik bólimi yuridik xızmat kórsetiw orayınıń 2023-jıl 2-sheregi dawamında ámelge asırılǵan iskerligi boyınsha MAǴLÍWMAT
Ózbekstan Respublikası Prezidentiniń 2021-jıl 29-iyun kúngi “Mámleketlik organ hám shólkemlerge yuridik xızmet kórsetiw iskerligin jánede jetilistiriw is-ilájları haqqında”ǵı PQ-5168-sanlı qararına muwapıq Shomanay rayonı ádillik bólimi yuridik xızmet kórsetiw orayı tárepinen 2021-jıl 1-oktyabr sánesinen baslap 12 mámleketlik organ hám shólkemlerge yuridikalıq xızmet kórsetip kelmekte. 2023-jıl 2-sheregi dawamında bir qansha unamlı jumıslar ámelge asırılıp, mámleketlik organ hám shólkemlerden jámi 7667 dana normativ kúshke iye hújjet, yaǵnıy 5987 dana buyrıqlar, 1680 dana puqaralıq hám miynet shártnamaları joybarları kelip tústi. Sonnan 5843 dana buyrıq hám 1633 dana puqaralıq hám miynet shártnamaları joybarlarına nızam hújjetler muwapıqlı dep tabılıp, juwmaqlar berildi, 144 dana buyrıq hám 47 dana puqaralıq hám miynet shártnamaları joybarlarına ámeldegi nızam hújjetlerge muwapıq bolmaǵanlıǵı sebepli qaytarıldı.
Bunıń ayqın mısalı retinde, orayǵa kelip tusken buyrıqlar tolıqtırılmaǵanlıǵı hám qosımsha hujjetler biriktirilmegenligi hámde shártnamalarda shártnamanıń bándlerindegi shártleri tolıqtırılmaǵanlıǵı hám qosımsha hujjetler biriktirilmegenligi sebebli qaytarılǵanlıǵı menen sıpatlanadı.
Ózbekstan Respublikası Prezidentiniń 2022-jıl 18-mart kúngi “Yuridik xızmet kórsetiw orayları iskerligin jánede keńeytiw boyınsha qosımsha is-ilajlar haqqında”ǵı PQ-173-sanlı qararına muwapıq 2022-jıl 1-avgust sánesinen baslap yuridik xızmet kórsetiw orayları máhálle hám nuranıylardı qollap quwatlaw bólimi, sport bólimi, shańaraq hám hayal-qızlar bólimi, xalıq bántligine kómeklesiw orayı, mámleketlik salıq inspeksiyası, awıl xojalıq bólimi, ulıwma bilim beriw mektepleri, mektepke shekemgi bilimlendiriw shólkemleri hámde kóp tarmaqlı oraylıq hám shańaraq poliklinikalarına yuridikalıq xızmet kórsetiwin basladı.
Sonıń menen birge, Sudqa shekemgi sheshiliwi juzesinen tiyisli mekemeler menen shárnama duziwshi kárxanalarǵa 354185782 sumlıq 20 dana talapnama kiritilip tiyisligi boyınsha kórip shıǵıldı.
Oray tárepinen, anıqlangan nızam buzıwshılıq halatları boyınsha rayonlıq ádillik bólimine 7 xabarnamalar(bildirgi)kiritilip, ádillik bólimi tárepinen tiyisli mekemelerge 10 dana usınısnamalar kiritilip, mememeler tárepinen tiyisli intizamıy sharaları qollanıldı.
Nızamshılıqtaǵı ózgerisler boyınsha 2-sherek dáwirinde jámi 6 dana takliflar kiritildi.
Sonday aq, qabıl qılınıp atırǵan nızam hujjetleriniń mazmun hám áhmiyetin xalıqqa jetkiziw, halıqtın huqıqıy mádeniiy sawatqanlıǵın asırıw maqsetinde jámi 344 huqıqıy ugit násiyat is-ilajları ótkerildi.
Usılardan, 258 awızeki, 19 ǵalaba xabar quralları arqalı hám 67 zamanagóy axborot kommunikaciya texnologiyaları arqalı jarıtıp barıldı.
Sonıń menen birge, shólkemlerde, máhállelerde puqaralar menen ushırasıwlar shólkemlestirilip, puqaralarǵa biypul huqıqıy máslahatlar berildi hám sociallıq tarmaqlarda materiallar tayarlanıp keńnen jarıtıp barıldı.
Shomanay rayonı ádillik bólimi
Yuridikalıq xızmet kórsetiw orayı baslıǵı Utemuratov Baxıt Jiengalievich.