Янгиликлар
10
Hayallar dápterine kimler kirgiziledi hám qanday jeńillikler bar?
“Hayallar dápteri” — sociallıq, ekonomikalıq, huqıqıy, psixologiyalıq qollap-quwatlawǵa, bilim hám kásip úyreniwge mútajligi hám qızıǵıwshılıǵı bolǵan, jumıssız hayal-qızlardıń mashqalaların anıqlaw, saplastırıw hám qadaǵalaw boyınsha maǵlıwmatlar bazası esaplanadı.“Hayallar dápteri”ni júrgiziw arqalı hayal-qızlar máselelerin sistemalı túrde sheshiw hám olardı social qollap-quwatlaw rejimin belgileydi.
Hayallar dápteri»n qáliplestiriw kriteriyaları tómendegishe:
birinshi náwbette, hár bir sektor kesiminde máhellebay “Hayallar dápteri”ga 30 jastan asqan tómendegi taypa daǵı hayal-qızlar kiritiledi:
social qorǵawǵa mútáj jumıssız hayal-qızlar;
boquvchisini joǵatǵan mútajligi bar hayal-qızlar (baǵiwshısı bolmaǵan, qosımsha materiallıq járdemge mútájler);
sociallıq járdemge mútáj I hám II topar mayıplıǵı bolǵan hayal-qızlar (miynetke uqıpsız, ózgeler kútimine mútájler);
turaq-jayın ońlawǵa mútáj I topar mayıplıǵı bolǵan hayal-qızlar (miynet qılıw qábiletin pútkilley joǵaltǵan, jalǵız jasaytuǵın, turaq-jayın ońlaw múmkinshiligi bolmaǵanlar );
turaq-jayǵa arnalmaǵan orınlarda jasap atırǵan, óziniń yamasa birgelikte jasawshı shańaraq aǵzalarınıń atında turaq jay bolmaǵan hayal-qızlar;
qarawında mayıplıǵı bolǵan balası bar jalǵız hayallar;
medicinalıq qorǵawǵa mútáj mútajligi bar hayal-qızlar (ózi hám birgelikte jasawshı shańaraq aǵzaları salmaqlı sociallıq jaǵdayda bolǵan, mayıplıqqa alıp keliwshi kesellikke shalınǵan, mayıplıq toparı belgilenbegen, jetkilikli dáramat deregine iye bolmaǵanlar);
huqıqıy járdem alıwǵa mútáj hayal-qızlar;
psixologiyalıq máslahátke mútáj hayal-qızlar.
«Hayallar dápteri»ga kiritilgen hayal-qızlardı qollap-quwatlaw tómendegi baǵdarlarda ámelge asıriladı
1)sociallıq qorǵawǵa mútáj jumıssız hayal-qızlar ushın:
bántligin támiyinlew;
zárúr jaǵdaylarda, sektor basshısı juwmaǵı tiykarında bir mártelik materiallıq járdem beriw;
2)isbilermenlik qılıw niyetinde bolǵan mútajligi bar hayal-qızlar ushın:
isbilermenlikti jolǵa qoyıwǵa kómeklesiw;
3)baǵıwshısı bolmaǵan mútajligi bar hayal-qızlar ushın:
bir mártelik materiallıq járdem beriw;
zárúr jaǵdaylarda, sektor basshısı juwmaǵı tiykarında awır turmıs shárayatındaǵı (turaq-jayı ońlawǵa mútáj, biraq shańaraǵınıń materiallıq múmkinshiligi bolmaǵan) hayal-qızlardıń turaq-jayın ońlaw;
4)social járdemge mútáj I hám II gruppa mayıplıǵı bolǵan, sonıń menen birge, operativ medicinalıq emlewge mútáj mútajligi bar hayal-qızlar ushın:
bir mártelik materiallıq járdem beriw;
zárúr jaǵdaylarda, sektor basshısı juwmaǵı tiykarında awır turmıs shárayatındaǵı (turaq-jayı ońlawǵa mútáj, biraq shańaraǵınıń materiallıq múmkinshiligi bolmaǵan) hayal-qızlardıń turaq-jayın ońlaw;
medicinalıq emlewge mútáj mútajligi bar hayal-qızlar ushın zárúr medicinalıq járdemler kórsetiw;
5)turaq-jayǵa mútáj mútajligi bar hayal-qızlar ushın:
ijara kompensaciyasın tólew, sociallıq úylerge jaylastırıw, turaq-jay menen támiyinlew;
zárúr jaǵdaylarda, sektor basshısı juwmaǵı tiykarında bir mártelik materiallıq járdem beriw;
6)qarawında mayıplıǵı bolǵan perzenti ámeldegi mútajligi bar hayal-qızlar ushın:
bir mártelik materiallıq járdem beriw;
zárúr jaǵdaylarda, sektor basshısı juwmaǵı tiykarında tamarqa hám diyqanshılıqtan dáramat deregi retinde paydalanıw ushın kómeklesiw.
Ametov Shamsuddin
Nókis qalası ádillik bólimi
yuridikalıq xızmet kórsetiw orayı
bas yuriskonsultı