Янгиликлар
19
Ózbekstan Respublikası Prezidenti saylawında múddetinen aldın dawıs beriw tártibi haqqında
Hámmemizdiń xabarımız bar múddetinen burın Ózbekstan Respublikası Prezidenti saylawı usı jıldın 9-iyul kuni ótkeriledi.
Bul saylawda – saylawshılar Konstituciyamızdıń 36, 128-statyalarında belgilengen huqıqlarınan tikkeley paydalanıw huqıqına iye.
Bul huqıq, ulıwmalıq, teń, tuwrıdan-tuwrı saylaw huqıqı tiykarında, jasırın dawıs beriw jolı menen ámelge asırıladı.
Sonı ayrıqsha aytıp otiwimiz kerek, saylawshılar bul huqıqtan múddetinen burın dawıs beriw jolı menenda paydalanıwı múmkin.
Endi múddetinen burın dawıs beriw degenge toqtalıp ótetugın bolsaq, saylaw kúni ózi jasaytuǵın jerde bolıw imkaniyatına iye bolmaǵan saylawshı múddetinen burın dawıs beriw huqıqına iye.
Múddetinen burın dawıs beriw saylawǵa on kún qalǵanda baslanadı hám saylawǵa úsh kún qalǵanda tamamlanadı. Múddetinen burın dawıs beriwdi ótkeriw waqtı Oraylıq saylaw komissiyası wálayatlıq, rayonlıq, qalalıq saylaw komissiyaları tárepinen belgilenedi hám saylawshılardıń, baqlawshılardıń itibarına ǵalaba xabar quralları arqalı jetkeriledi.
Múddetinen burın dawıs beriwdi ámelge asırıw ushın saylawshı saylaw kúninde bola almawınıń sebepleri (miynet dem alısı, xızmet saparı, shet elge shıǵıw h.t.b.) kórsetilgen arza beredi.
Usı arzaǵa tiykar tiyisli uchastkalıq saylaw komissiyasınan saylaw byulletenin aladı. Saylawshı saylaw byulletenin alǵanlıǵı haqqında tiyisli uchastkalıq komissiyanıń keminde eki aǵzası qatnasıwında saylawshılar dizimine imza qoyadı.
Saylaw byulleteni arnawlı úskenelengen jasırın dawıs beriw kabinasında yaki bólmesinde saylawshı tárepinen toltırıladı.
Saylawshı qarar qabıl etedi hám toltırılǵan saylaw byulletenin jabıq konvertte qaldıradı, konvert tiyisli uchastkalıq saylaw komissiyasınıń seyfinde saqlanadı. Konverttiń jelimlengen jerine uchastkalıq komissiyanıń eki aǵzasınıń imzaları qoyılıp, olar komissiyanıń móri menen tastıyıqlanadı.
Keyinshelik, yagnıy saylaw kuni dawıs beriw tamamlanǵannan keyin uchastkalıq saylaw komissiyasınıń baslıǵı yaki baslıqtıń orınbasarı komissiya aǵzaları menen birgelikte:
Ózbekstan Respublikası Saylaw kodeksinde belgilengen izbe-izlikte jumıslardı ámelge asırgannan keyin, múddetinen burın dawıs beriw byulletenleri salınǵan jabıq konvertlerdi saylaw qutısına taslaydı.
Qaraqalpaqstan Respublikası
Ádillik ministrliginiń
Huqıqtı qollaw ámeliyatın
úyreniw bólimi baslıǵı
Esenkeldi Utepov