Янгиликлар
05
Úy-jay satıp alıw ushın subsidiiya kimlerge beriledi?
Subsidiyalar — tabısı joqarı bolmaǵan shaxslarǵa ipoteka kreditleri tiykarında turaq-jay satıp alıwları ushın baslanǵısh tólem yamasa kredit procent tólewleriniń bir bólegin qaplap beriw maqsetinde mámleket byudjetinen qaytarıp berilmeytuǵın qar`jilar bolıp tabıladı.
Baslanǵısh tólem — bul baslanǵıshbirlemshi (yaǵnıy, jańa qurılǵan ) turaq-jaylardı satıp alıw ushın ajratılatuǵın pullar.
Subsidiya, sonıń menen birge ipoteka krediti boyınsha procentlerdi oraw ushın da beriliwi múmkin:
bunda awıllıq jaylarda — birinshi bes jıl dawamında ipoteka krediti boyınsha procent tólewleri menen baylanıslı qárejetlerdi qaplaw ushın — 10 procentlik punktten asqan bólegine;
qalalarda (sonday-aq, Tashkent qalasında da ) bolsa — dáslepki badalning bir bólegin tólew menen baylanıslı qárejetlerdi qaplaw ushın turaq-jay esaplanǵan mánisiniń 10 procenti muǵdarında;
Tashkent qalasında birinshi bes jıl dawamında kredit boyınsha procentlerdi qaplaw ushın — 12 procentlik punktten asqan bólegine;
Qaraqalpaqstan Respublikası hám wálayatlar qalalarında 10 procentlik punktten asqan bólegine tólenedi.
Subsidiya alıw ushın arzanı Mámleket xızmetlerin orayları yamasa my.gov. uz portalı arqalı elektron tárizde beriw múmkin.
Turaq-jay sharayatın jaqsılawǵa mútáj bolǵan shańaraqlar, salmaqli social hámziyatga túsip qalǵan hayal-qızlar, mámleket socialliq ómirinde belsendi qatnas jetip atırǵan jaslar hám sol taypa daǵı basqa Ózbekstan puqaralarına qarjılar ajratıladı. Subsidiya alıw ushın puqara 18 jasqa tolǵan bolıwı kerek. Eger puqara miynet migrantı bolsa, onıń atınan shańaraq aǵzaları da arza beriwi múmkin.
Sunsidiya alıw ushın bir qatar talap hám jaǵdaylarǵa juwap beriw kerek. Subsidiya beriliwi ushın eń dáslep juwapker organlar wákillerinen qáliplestirilgen arnawlı komissiya arza beretuǵınlarǵa kriteriyalar boyınsha ball beredi.
Juwapker organlar — ishki jumıslar bólimi, finans bólimi, mámleket salıq inspeksiyasi, bántlikke kómeklesiw orayı, kadastr kárxanası, máhelle hám shańaraqtı qollap-quwatlaw bólimi, Jaslar birlespesi rayon keńesi, rayon (qala ) hákimlikleri, qatnasıw etiwshi kommerciya bankleri esaplanadı. Bulardıń barlıǵı arza beretuǵın tárepinen usınıs etilgen hújjetlerdi haqıyqıy ekenligin tekseriw ushın kerek.
Sociallıq kriteriyalar turaq-jay shárayatın jaqsılawǵa mútáj puqaralardı anıqlawǵa xızmet etedi. Ball toplaw ushın kriteryalarǵa talaban hám (yamasa ) onıń shańaraǵınıń tabısı (qala hám awıllıq jayları ushın bólek kórsetkishler belgilengen), turar jay mártebesi (ijara yamasa jeke múlk), social qorǵawǵa mútáj bolǵanlar (miynet migrantlari, saǵır hám ata-anasınıń qarawınan juda bolǵan balalar, jalǵız áyeller hám taǵı basqa ), sonıń menen birge, shańaraqta mayıplıǵı ámeldegi bolǵan shaxslar inabatqa alınǵan.
Subsidiya alıw ushın tómendegi maǵlıwmatlardı usınıw kerek:
- pasport ;
- shańaraq aǵzalarınıń pasportı hám neke belgilengenligi gúwalıǵı (tolıq shańaraq hám erjetken perzenti (leri) bolǵanda) hám perzentleriniń tuwılganlik haqqındaǵı gúwalıqları (eger jas óspirim bolsa ) nusqası;
- neke biykar etilgenligi haqqındaǵı gúwalıq yamasa neke haqıyqıy emes dep tabılǵanlıǵı tuwrısındaǵı sud sheshimi (neke belgilengen jaǵdaylarda ) hám shańaraqqa tiyisli jaǵdayı haqqınsa PHAJ shólkemleri arxivınan málimleme nusqası (neke jazılmaǵan jaǵdaylarda);
- turaqlı propiska jayınnan kadastr nomeri hám túrine tiyisli maǵlıwmatlar;
- turaqlı jasaw ornınan úy dápteriniń yamasa kvartira kartochkasınıń (17-forma boyınsha ) nusqası;
- arza beretuǵın hám birgelikte qarız alıwshılardıń tabısı hám de uslap qalınǵan dáramat salıqları haqqında málimleme (qosımsha dáramatlar bolsa salıq deklaratsiyası ).
Arza juwmaqları boyınsha talabanǵa unamlı juwap alınǵan táǵdirde puqara óziniń tańlawına kóre, subsidiyani turaq-jay satıp alıw ushın baslanǵısh tólem yamasa kredit payız tólemleriniń bir bólegin qaplawǵa qaratılǵan qarjı formasında alıwı múmkin boladı.
Nókis qalası ádillik bólimi
insan huqıqların korǵaw
hám huqıqtı kollaw ámeliyatin
úıreniw bolimshesi bas maslahatshisı N.Yusupov