Янгиликлар
27
Nekede bolmaǵan ata-anadan tuӯılǵan balanıń ákesi haqqında maǵlıӯmatları qalay rásmiylestiriledi?
Hár bir insan ushın perzentli bolıw sheksiz quwanısh. Nızamlı nekede turǵan ata-ananıń perzenti ushın gúwalıq rásmiylestiriw qıyınshılıq tuwdırmaydı. Biraq xalqımız arasında hámme puqaralarda nızamlı nekeden ótip jasamaydı. Usınday jaǵdaylarda tuwılǵan balaǵa atalıq belgileniwi kerek yamasa jalǵız anadan tuwılǵanlıǵı rásmiylestiriliwi kerek boladı. Eger tuwılǵan balanıń ákesi usı perzenttiń akesi ekenligin tán alsa ana hesh kim menen nızamlı nekede bolmaǵan bolsa (eger ana basqa shaxs penen nızamlı nekede bolsa nızamlı nekedegi kúyewi razılıq xat beriwi kerek) onda PHAJ bólimi tárepinen balanıń atalıǵı belgilenip tuwılǵanlıq haqqında guwalıq beriledi. Atalıq belgilew haqqındaǵı arza PHAJ bólimine bala tuwılaman degenshe, bala tuwılǵan waqıtta yamasa balanıń tuwılǵanlıǵı dizimnen ótken soń da beriliwi múmkin. Arzadaǵı maǵlıwmatlar PHAJ bólimi xızmetkeri tárepinen shaxsın tastıyıqlawshı hújjetleri menen tekserilip qabıl etiledi. Atalıqtı belgilewde ata-ananıń biri qatnaspaǵan jaǵdayda, onıń arzadaǵı qol tańbası belgilengen tártipte (medicina birlespesi, PHAJ bólimi, áskeriy bólim, jazanı orınlaw mákemesi baslıǵı qol tańbası hám gerbli móri menen yamasa notarial tártipte) tastıyıqlanıwı zárúr. Atalıq isenim xat arqalı belgileniwge jol qoyılmaydı. Atalıqtı belgilew sudtıń nızamlı kúshke kirgen biyligine asas ámelge asırılıwı múmkin. Qońırat rayonı 1-sanlı PHAJ bóliminde 2023-jıl 6-ayı daӯamında 1347 tuӯılǵanlıq haqqında akt jazıwları dizimge alındı. Atalıqtı belgilew arqalı 70 tuwılǵanlıq haqqında akt jazıwları dizimge alınǵan, sonnan 7 atalıq sud biyligine asas, 18 ata-analarınıń birgeliktegi arzalarına asas atalıq belgilendi.
Qońırat rayonı 1-sanlı PHAJ bólimi
meńgeriwshisi Abıniyazova Gulrano Muratbaevna