Янгиликлар
21
#Nızamshılıqtaǵı_jańalıqlar
❗️Miyirbiykeler (medsestralar) akademiyası shólkemlestiriledi
“Hákimshilik reformalar sheńberinde den sawlıqtı saqlaw tarawında mámleketlik basqarıwın nátiyjeli shólkemlestiriw ilajları haqqında”ǵı Prezident qararı (PQ–197-san, 20.06.2023-j.) qabıl etildi
???? Qararǵa kóre, medicinanıń birlemshi buwınında medicinalıq-sanitariya járdemin kórsetiwdiń tómendegilerdi názerde tutıwshı jetilistirilgen sisteması engiziledi:
????rayon (qala) dárejesinde ambulatoriyalıq hám stacionarlıq sharayatta xalıqtıń eń kóp múrájatlarına sebep bolıp atırǵan kesellikler hám jaǵdaylardı inabatqa alǵan halda, Mámleketlik byudjeti qárejetleri esabınan qaplanatuǵın medicinalıq járdemniń kepillengen kólemleriniń dizimi qáliplestiriledi;
???? birlemshi medicinalıq-sanitariya járdemi mákemeleri shıpakerleri tiyisli aymaqta eń kóp tarqalǵan kesellikler hám jaǵdaylar boyınsha qısqa múddetli kurslarda oqıtıladı.
???? 2024-jıldan jıllıq medicinalıq kórikler sheńberinde nuranıylardı maqsetli skriningten ótkeriw dástúrleri engiziledi.
???? 2023/2024-oqıw jılınan tómendegiler shólkemlestiriledi:
▫️CHilanzar Abu Ali ibn Sino atındaǵı Jámiyetlik salamatlıq texnikumı tiykarında Miyirbiykeler akademiyası;
▫️medicinalıq kollejleri tiykarında Abu Ali ibn Sino atındaǵı Jámiyetlik salamatlıq texnikumları;
???? Sonday-aq, tómendegiler engiziledi:
▫️medicinalıq Joqarı bilimlendiriw mákemelerinde oqıw múddeti 4 jıllıq “joqarı maman miyirbiyke” bakalavriat bilimlendiriw baǵdarı boyınsha qánigelerdi tayarlaw;
▫️texnikumlardıń usınısları tiykarında qabıllaw parametrleri hámde qosımsha ráwishte gruppalastırılǵan tólew-kontraktı tiykarında oqıwǵa qabıl etiw tártibi;
▫️medicina baǵdarındaǵı mámleketlik Joqarı bilimlendiriw mákemesi studentleriniń bilimlerin 2 basqıshlı (fundamental hám klinik-ámeliy kónikpeler) bahalaw hám olardıń mamalıǵın tastıyıqlaw milliy sisteması;
▫️medicina xızmetkerleriniń mamanlıǵın joqarılatıwǵa qaratılǵan úziliksiz kásiplik bilimlendiriw portalı.
???? Mámleketlik hám mámleketlik emes medicinalıq shólkemlerine mamanlıq asırıw kursların engiziw huqıqı beriledi.
???? Medicina hám farmacevtika xızmetkerlerin úziliksiz kásiplik rawajlandırıw, olardıń mamanlıǵın joqarılatıw processleri tolıq sanlastırıladı.
▶️ 2023-jıl juwmaǵına shekem:
????hámme mámleketlik emes medicinalıq shólkemleri Den sawlıqtı saqlaw ministrliginiń arnawlı málimleme sistemasına jalǵanadı;
???? mámleketlik emes medicinalıq shólkeminiń xızmetkerleri, medicinalıq texnikası, xızmet túrleri, medicinalıq statistika hám basqa esabatlardıń monitoringi júrgiziledi;
????medicina jumısların qadaǵalawda “qáwipti analiz etiw” sisteması jolǵa qoyıladı.
✅ Sonday-aq, tómendegiler shólkemlestiriledi:
➖Farmacevtika ónimleri qáwipsizligi orayı;
➖Medicina hám farmacevtika xızmetkerleriniń mamanlıǵın bahalaw orayı;
➖Medicina shólkemlerin licenziyalaw hám akkreditaciyalaw orayı.