Янгиликлар
25
Nızamshılıqtaǵı jańalıqlar
❗️Tutınıwshılarǵa suw jetkerip beriw basqıshpa-basqısh mámleket-jeke menshik sheriklikke ótkeriledi
“Hákimshilik reformalars sheńberinde suw xojalıǵı tarawında mámleketlik basqarıwın nátiyjeli shólkemlestiriw ilajları haqqında”ǵı Prezident Pármanı (PP–101-san, 20.06.2023-j.) qabıl etildi
Párman menen Suw xojalıǵı ministrligi jumıslarınıń baslı baǵdarları tastıyıqlandı.
2030-jıl juwmaǵına shekem ministrliktiń tómengi (rayon) buwınında suw resursların basqarıw, fermer xojalıqları hám basqa suw tutınıwshılarına suw jetkerip beriw hámde suwdıń esabın júrgiziw funkciyası basqıshpa-basqısh mámleket-jeke menshik sheriklikke ótkeriledi.
2023-jıl sentyabrge shekem hámme rayonlarda suw resursların basqarıwdı mámleket-jeke menshik sheriklikke ótkeriw boyınsha is-ilajlar islep shıǵıladı.
Pármanǵa kóre, Suw xojalıǵı obektleri qáwipsizligin qadaǵalaw inspekciyası Suw xojalıǵı ministrligi janındaǵı Suw xojalıǵı obektleri qáwipsizligin hám suwdan paydalanıwdı qadaǵalaw inspekciyası etip qayta atamalanadı.
✅ Inspekciya 2023-jıl 1-avgusttan suwdan paydalanıw hám suw tutınıwı tártibine ámel etiliwi hámde suwdı tejeytuǵın suwǵarıw texnologiyalarınan nátiyjeli paydalanılıwı boyınsha ótkeriletuǵın tekseriwlerdi “Birden-bir mámleketlik qadaǵalawı” málimleme sistemasında dizimnen ótkermesten ámelge asıradı.
⚖️ Inspekciya jer ústi suwlarınan paydalanıw hám suw tutınıwı qaǵıydaların hámde suw alıw tártibin buzıw jaǵdayları boyınsha hákimshilik huqıqbuzarlıqlar haqqındaǵı jumıslardı kórip shıǵıw, sonday-aq, fizikalıq shaxslarǵa qarata hákimshilik jaza qollawı múmkin.
2025-jıl 1-yanvarǵa shekem “Sanlı suw xojalıǵı” birden-bir málimleme sisteması jaratılıp, suw xojalıǵı boyınsha hámme programmalıq támiyinleniwler usı sistemaǵa basqıshpa-basqısh integraciya etiledi.