Янгиликлар
24
#Konstituciyanı_úyrenemiz
Konstituciyamızdıń 19-statyası: (https://lex.uz/docs/6445145#6445364) «Ózbekstan Respublikasında insannıń huqıq hám erkinlikleri xalıqaralıq huqıqtıń ǵalabalıq tán alınǵan normalarına tiykarlanıp hám de usı Konstituciyaga muwapıq tán alınadı hám kepillenedi. Insan huqıq hám erkinlikleri hár kimge tuwılǵanınan baslap tiyisli boladı.
Ózbekstan Respublikasında barlıq puqaralar birdey huqıq hám erkinliklerge iye bolıp, jınısı, rasası, milleti, tili, dini, isenimi, sociallıq shıǵısı, jámiyetlik awhalınıń ayırmashılıǵına qaramastan nızam aldında teń.
Jeńillikler tek ǵana nızamǵa muwapıq belgilenedi hám sociallıq ádillik principlerine sáykes keliwi shárt».
Insan tuwılǵanınan baslap tiyisli bolǵan tábiyiy hám ajıralmaytuǵın huqıqlar taypasına insannıń ómiri, ar-namısı hám qádir-qımbatı, azatlıǵı, teńligi, erkin bolıwı, qáwipsizligi, qol qatılmaslıǵı kiredi hám bul huqıqlar nızamlarda belgilengenligi yamasa belgilenbegenligine qaramastan insanǵa ázeliy tiyisli bolıp tabıladı, dep tán alınadı.
Barlıq puqaralardıń teń huqıqlılıǵı hám xalıqaralıq huqıqta ǵalabalıq tán alınǵan huqıqlardan esaplanadı.
Xalıqtı sociallıq qorǵaw, ayırım tarawdıń hám jónelislerdi rawajlandırıw ushın túrli kórinistegi jeńillikler beriliwi múmkin jáne bular tek nızamlar arqalı ámelge asıriladı, hár qanday jeńillik sociallıq ádillik principi sheńberinde ámelge asıriladı.
Video: https://youtu.be/Yjg15-4p5T0
Kanalǵa jalǵanıw????????????
@huqiqiymalimleme