Янгиликлар
25
#Konstituciyanı_úyrenemiz
Konstituciyamızdıń 20-statyası: (https://lex.uz/docs/6445145#6445369) «Ózbekstan Respublikası puqarası hám mámleket óz-ara huqıqlar hám minnetler menen baylanıslı bolıp tabıladı.
Insannıń Konstituciya hám nızamlarda bekkemlep qoyılǵan huqıq hám erkinliklerine qol qatılmaydı hám de olardan sudtıń sheshimisiz ayırıwǵa yamasa olardı sheklep qoyıwǵa hesh kimniń haqısı joq.
Insannıń huqıq hám erkinlikleri tikkeley ámel etedi. Insannıń huqıq hám erkinlikleri nızamlardıń, mámleketlik uyımları, puqaralardıń ózin-ózi basqarıw uyımları, olardıń lawazımlı shaxsları jumısınıń mazmun-mánisin belgileydi.
Mámleketlik uyımlar tárepinen insanǵa qollanılatuǵın huqıqıy tásir sharaları sáykeslik principine tiykarlanıwı hám nızamlarda názerde tutılǵan maqsetlerge erisiw ushın jeterli bolıwı kerek.
Insan menen mámleketlik uyımlardıń óz-ara qatnasıqlarında júzege keletuǵın nızamshılıqtaǵı barlıq qarama-qarsılıqlar hám anıqsızlıqlar insan paydasına sheshiledi».
Puqaralar hám mámleket bir-biri menen qatnasıqqa kirisgende túrli huqıq hám minnetlemelerdi aladı. Mısalı, puqaralarǵa qorshaǵan-ortalıqqa ıqtıyatlı múnasábette bolıw minnetlemesi bolsa, mámleket puqaralardıń ekologiyalıq huqıqların ámelge asıriw ilajların kóriwi kerek.
Sonday-aq, usı statyada insannıń Konstituciya hám nızamlarda bekkemlep qoyılǵan huqıqları tek sud tárepinen shekleniwi hámde barlıq mámleketlik uyımlarıniń iskerligi maqseti insan huqıq hám erkinliklerinnen kelip shıǵıwı belgilengen.
Nızamnıń tiykarǵı maqseti insan, onıń huqıq hám erkinliklerin ámelge asıriw hám qorǵawdan ibarat esaplanadi. Yaǵnıy, nızamlar kimgedir artıqsha minnetleme yamasa qárejet júklewi múmkin emes. Kerisinshe, nızamlar jardeminde jámiyet huqıqıy tárepten tártiplestiriledi, insanlar turmısı turaqlastırıladı hám bir tegis ketiwi támiyinlenedi.
Sáykeslik principi de sol maqsetti gózleydi. Mámleket hám insan ortasında qatnasıqlardı tártipke salıwshı nızamshılıqtaǵı anıqsızlıqlar túrli túsinbewshiliklerge, insan hám puqaralardıń artıqsha áweregershilikke alıp keledi. Konstituciyanıń usı statyasında anıqsızlıqlar mámleket emes, insan paydasına sheshiliwi názerde tutılǵan.
Video: https://youtu.be/_6x1EJJXYUM