Янгиликлар
26
Perzentlikke alıw tártibi haqqında
Perzentlikke alıw Ózbekistan Respublikası «Shańaraq» kodeksiniń 151- statyasına tiykar er jetpegen balalarǵa qarata, olardıń máplerin qorǵaǵan halda dizimge alınadı. Sudtıń perzentlikke alıw haqqında biyligi nızamlı kúshine kirgen kúnnen baslap on kún múddet ishinde perzentlikke alıwshılar PHAJ bólimine múrájáát etkennen soń tuwılıw haqqında akt jazıwına tiyisli tártipte ózgerisler kiritip, tuwılıw guwalıǵı rásmiylestiriledi. Sud qararı nızamlı kúshine kirgennen soń belgilengen on kúnlik múddetti ótip ketken jaǵdayda qarar óz kúshinde ekenligi haqqında maǵlıwmatnama PHAJ organına alıp kelingennen keyin orınlanadı.
Perzentlikke alıwshılar PHAJ bólimine sudtıń perzentlikke alıw haqqındaǵı nızamlı kúshine kirgen qararı menen birge shaxsın tastıyıqlawshı hújjetleri hám balanıń tuwılıw guwalıǵın usınadı.
Perzentlikke alıwda on jastan aspaǵan balanıń tuwılǵan jeri Ózbekstan Respublikası aymaǵı sheńberinde ózgergen jaǵdayda, perzentlikke alıwshılar múrájáát etken PHAJ bólimi arza kelip túsken kúnnen baslap bir jumıs kúni ishinde dáslepki tuwılıw haqqında akt jazıwı dizimge alınǵan PHAJ bólimine elektron málimleme sisteması arqalı sorawnama tiykarinda orinlap, tuwılıw guwalıǵın beredi.
Eger, sudtıń perzentlikke alıw haqqındaǵı qararında ayırmashılıqlar anıqlanǵan jaǵdayda, qarar orınlanbastan saplastırıw ushın qaytarıladı hám saplastırılǵannan keyin orınlanıp tuwılıw haqqında guwalıq rásmiylestiriledi.
Perzentlikke alıwdı dizimge alıwda tuwılıw guwalıǵı ushın Ózbekstan Resbublikası Ministrler Kabinetiniń 2012-jılı 25-aprel kúngi 119- sanlı qararina tiykar bazalıq esaplawdıń 15 payızı muǵdarında mámleketlik gerb jıyımı hám bazalıq esaplawdıń 5 payızı muǵdarında tólemli xizmeti ushın óndiriledi.
Qanlıkól rayonı ádillik bólimi PHAJ bólimi baslıǵı P.AVEZOVA