Янгиликлар
23
Shańaraqlıq munasábetlerde er hám hayaldıń minnetlemeleri
Shańaraq jámiyettiń tiykarǵı buwını hámde jámiyet hám mámleket qorǵawında bolıw huquqına iye. Hár bir jas shanaraq qurar eken onıń juwapkershiligin perzentler tárbiyasına ayrıqsha itibar beriwi lazım. Shańaraqlıq munasábetler nızam menen qorǵalıp mámleket tárepinen qorǵaladı. Neke táreplerdiń ıqtıyarıy razılıǵı hám teń huquqlılıǵına tiykarlanadı. Shańaraq tuwrısındaǵı nızamshılıqta er hám hayaldıń wazıypaları shańaraqtı bekkemlewden, shańaraqqa tiyisli munasábetlerdi óz-ara muhabbat, isenim hám húrmet, awızbirshilik, bir-birine járdem beriw hámde shańaraq aldında onıń barlıq aǵzalarınıń juwapkerligi sezimi tiykarında qurıwdan, qandayda-bir shaxstıń shańaraq máselelerine óz basımshalıq penen aralasıp ketiwine jol qoymawda, shańaraq aǵzaları óz huqıqların tosqınlıqsız ámelge asırıwın hám de bul huqıqlardıń qorǵalıwın támiyinlewden ibarat bolıp esaplanadı.
Shańaraqqa tiyisli munasábetlerde hayal hám er adamnıń teń huqıqlı bolıp shańaraqqa tiyisli munasábetlerdi tártipke salıwda er hám hayaldıń ıqtıyarıy tárizde nekelenip dúzgen shańaraq, er hám hayaldıń jeke hámde múlkshilik huqıqları teńligi, ishki shańaraqqa tiyisli máselelerdiń óz-ara shártlesiw jolı menen sheshiliwi, shańaraqta balalar tárbiyası, olardıń jetkilikli turmıs keshiriwi hám kamalı haqqında ǵamxorlıq qılıw, jas óspirim hám miynetke uqıpsız shańaraq aǵzalarınıń huqıq hám máplerin qorǵaw ústinligi principleri tiykarında ámelge asırıladı.
Barlıq puqaralar shańaraqqa tiyisli munasábetlerde teń huqıqlarǵa iye bolıp esaplanadı. Neke dúziwde jınsı, milleti, tili, dini, social kelip shıǵıwı, isenimi, jeke jáne sociallıq kelip shıǵıwına hám de taǵı basqada jaǵdaylarǵa qarap, huqıqların belgili bir tárzde tikkeley yamasa bile tura sheklewge, shańaraqqa tiyisli munasábetlerge aralasıwǵa jol qoyılmaydı.
Shańaraqqa tiyisli munasábetlerde puqaralardıń huqıqları tek nızamǵa tiykarlanıp hám tek shańaraqtaǵı basqa aǵzalardıń hámde ózge puqaralardıń ar-namısı, qádir-qımbatı, den-sawlıǵı, huqıqları hám nızam menen qorǵalatuǵın máplerin qorǵaw maqsetinde beligili tárizde shekleniwi múmkin.
Shımbay rayonı Ádillik bólimi
PHAJ bólimi baslıǵı L.ALLAMBERGENOVA