Янгиликлар
23
Huqıqbuzarlıqlar profilaktikası
Búgingi kúnde ámelge asırılıp atırǵan reformalar qatarında jámiyette tınıshlıqtı saqlawǵa qaratılǵan bir qansha jumıslardıń ámelge asırılıp atırǵanlıǵın kóriwimiz múmkin.
Bul qatarda huqıqbuzarlıq profilaktikası tarawındaǵı islerdiń orını salmaqlı. Álbette, bul islerdiń huqıqıy tiykarı sıpatında “Huqıq buzarlıqlardıń profilaktikası tuwrısında”ǵı “Ózbekstan Respublikasınıń Nızamın tiykar etip keltirsek qáte bolmaydı. Bul nızamǵa muwapıq puqaralar ortasında qadaǵalawsızlıq hám huqıq buzarlıqlardıń profilaktikasına tiyisli iskerliginiń tiykarǵı wazıypaları belgilengen bolıp, puqaralar ortasında qadaǵalawsızlıq hám huqıq buzarlıqlardıń profilaktikasında ata-ana yamasa ata-ana orının basıwshı shaxslardıń qatnasıwı, bilimlendiriw mákemeleri kepillikleri hám basqa bir qatar máseleler belgilengen. Bul Nızam huqıq buzarlıqlardıń profilaktikasına tiyisli iskerliginiń tiykarǵı wazıypaları tómendegilerden ibaratlıǵı, yaǵnıy, puqaralar qadaǵalawsızlıǵı, olar tárepinen huqıqbuzarlıklar yamasa basqada unamsız waqıyalardıń aldın alıw, olarǵa múmkinshilik beretuǵın sebepler hám shárt-shárayatlardı anıqlaw hám de saplastırıwdan ibarat.
Sonıń menen birge, bilimlendiriw uyımlarında oqıp atırǵan jas óspirimlerdiń oqıw waqtında restoranlar, kafelar, barlar, klublarda bolıwına jol qoymaw, nızamshılıq normalarınan lazım dárejede xabardarlıǵın arttırıw, bilimlendiriw mákemelerindegi shınıǵıwlarǵa úzirli sebeplersiz kelmey atırǵan yaki úzliksiz túrde qatnaspay atırǵan jas óspirimlerdi anıqlaw hámde olardıń esabın júrgiziw, olardıń ulıwma orta hám orta arnawlı, kásip-óner bilim alıwına tiyisli ilájlardı kóriw.
Sonday-aq, bul tarawda ádillik organları tárepinen ámelge asırılıp atırǵan jumıslar qatarına, puqaralar tárepinen isleniwi múmkin bolǵan huqıqbuzarlıqlar hám olar ushın belgilengen juwapkershilik sharaları xaqqında, korrupciya hám basqada huqıqbuzarlıqlardıń aldın alıwda kómeklesken puqaralardı finanslıq xoshametlew tártibi málimlemeden paydalanıw tártibi haqqında túsindiriw jumısları alıp barılmaqta.
Qanlıkól rayonı mısalında alıp qaraǵanda, jıl basınan usı kúnge shekem islengen jınayatlar analız qılınǵanında, bul jınayatlar sub'ektiv hám ob'ektiv faktorlarǵa tiykar júzege kelgenligi málim bolmaqta. Yaǵnıy, shaxstıń huqıqıy sanası hám huqıqıy mádeniyatı jetkilikli dárejede qálipleskende ǵana jámiyette óz orının tabıwı hám jámiyetke kerekli insan bolıp jetilisiwine sebep bolıwın kóriwimiz múmkin.
Juwmaq orınında aytıwımız múmkin, jamiyette tınıshlıq hám párawanlıqtı támiynlew hám onı rawajlandırıwdıń tiykarǵı ilajlarınan biri, bul mámleketlik organlar yaki huqıqtı qorǵaw uyımlarınıń iskerligi menen sheklenbesten hár bir puqara bul tarawda óz úlesin kosıp barıwı maqsetke muwapıq esaplanadı.
Qanlıkól rayonı ádillik
bólimi baslıǵı A.Iskenderov