Янгиликлар
23
2020-2023-jıllarda Qaraqalpaqstan Respublikasın kompleks sotsial-ekonomikalıq rawajlandırıw haqqındaǵı Ózbekstan Respublikası Prezidentiniń 4889-sanlı qararınıń mazmun-manisi.
2020-2023-jıllarda Qaraqalpaqstan Respublikasın kompleks sotsial-ekonomikalıq rawajlandırıw haqqındaǵı Ózbekstan Respublikası Prezidentiniń qararı qabıl etildi.
Qaraqalpaqstan Respublikasınıń ámeldegi sociallıq-ekonomikalıq, sonday-aq islep shıǵarıw hám investitsiya potencialınan nátiyjeli paydalanıw, aymaqta injenerlik-kommunikaciya, social hám islep shıǵarıw infratuzilmalarini jaqsılaw, ekonomika tarmaqların turaqlı rawajlandırıw, sol tiykarda xalıq bandligini támiyinlew hám turmıs dárejesin asırıw maqsetinde 2020-2023-jıllarda Qaraqalpaqstan Respublikasın kompleks sociallıq-ekonomikalıq rawajlandırıwdıń ústin turatuǵın baǵdarları belgilendi. Solardan:
a) injenerlik-kommunikaciya hám jol-transport infraduzilmesin rawajlandırıw,
b)social infraduzilmeni rawajlandırıw,
g)investitsiyalardı aktiv tartıw hám aymaqtıń eksport potencialın rawajlandırıw,
d) sanaat ónimleri islep shıǵarıw boyınsha jańa quwatlardı shólkemlestiriw, atap aytqanda 9 jańa sanaat ónimi islep shıǵarıwdı jolǵa qoyıw, 27 sanaat klasterin shólkemlestiriw, sanaatı tómen dárejede rawajlanǵan Taxtakópir, Bozataw hám Shomanay rayonlarında keminde 50 dana jańa sanaat kárxanasın iske túsiriw;
e) awıl xojalıǵın rawajlandırıw, sonday-aq sharwashılıq, balıqshılıq, salıshılıq hám gunji jetistiriw hám de qayta islew klasterlerin shólkemlestiriw;
j) hár jılı keminde 900-950 jańa xizmet kórsetiw obiektin shólkemlestiriwdi qollap-quwatlaw arqalı xizmet kórsetiw kólemin keminde 2,5 esege asırıw ;
z) shet el turistlar sanın 80 mıńǵa, turizm xızmetleri eksportin 45 mln dollarǵa jetkiziw, sonıń menen birge, ishki turistlar sanın 800 mıńǵa shekem asırıw, 210 orınlı jańa mıymanxanalar qurıw hámde turoperator hám turagentlar sanın 45 ge jetkiziw;
k) 19, 7 mıń puqaralardı jumıs menen támiyinlew hám 6 mıń puqaralardı kásip-ónerge úyretiw arqalı “Temir dápter”ine kiritilgen 15, 5 mıń shańaraq dáramatların asırıw hámde olardıń aymaqtaǵı jámi shańaraqlardaǵı úlesi 4 procentten aspawın támiyinlew;
l) jaslar ushın zárúr shárt-shárayatlar jaratıw, atap aytqanda “Jaslar dápteri”ne kiritilgen 14 mıń jaslardı jumıs menen támiyinlew, 1, 6 mıń jaslardı kásip-ónerge úyretiw, “Belsendi jaslar otryadlari”ın shólkemlestiriw arqalı 8 mıń jumıssız jaslardı haq tolenetugın jámiyetlik hám máwsimiy jumıslarǵa tartıw, 3 jas isbilermenler kovorking orayı, 7 “Jaslar miynet gúzari” kompleksin qurıw ;
m) hayallardıń jámiyettegi rolin kúsheytiw, olardı hár tárepleme qollap-quwatlaw, atap aytqanda áyeller isbilermenligin rawajlandırıw hám “Áyeller dápteri”ne kiritilgen 8,4 mıń hayal-qızlardı jumıs menen támiyinlew;
n) miynet bazarına jańa kirip kiyatırǵan puqaralar bandligini támiyinlew maqsetinde miynet migratsiyasidan qaytqan 9 mıń puqaralardı jumıs menen támiyinlew hámde puqaralardı shet elge miynet qılıw iskerligine jiberiw ushın olardı talap etiletuǵın qánigeliklerge oqıtıw.
Qaraózek rayonı Ádillik bólimi
yuridikalıq xizmet kórsetiw orayı bas yuriskonsultı Sh.Erlepesov