Янгиликлар
Mobil-ID sisteması “Elektron húkimet” sistemasınan paydalanıwdıń qolaylıqları.
Hár bir mámleket rawajlanıp barar eken barlıq tarawlarda tereń repormalar ótkerilip, xalıqtıń jasaw tárizin jaqsılaw hám bul jolda jańa nızamlardı qabıl etiw zaman talabı esplanadı.
Sońǵı jıllarda xalıqqa mámleket xızmetlerin kórsetiw sisteması jańalanıp, isbilermenlik ortalıǵın tupten jaqsılaw, artıqsha byurokratiyalıq tosqılardı saplastırıw boyınsha izbe-iz ilajlar ámelge asırılıp atır. Atap aytqanda Ózbekstan Respublikası Prezidentiniń 2022-jıl 21-apirel kúngi PP-113-sanlı "Mámleket xızmetlerin kórsetiwdi ápiwayılastırıw, byurokratiyalıq tosqınlıqlardı qısqartıw hám de mámleket xızmetlerin kórsetiw milliy sistemasın rawajlandırıwdıń qosımsha shara ilajları haqqında"ǵı pármanı qabıl etildi.
Usı párman menen xalıqqa mámleket xızmetlerin qolay hám ápiwayı pormada kórsetiw hám puqaralardıń mekememe-mekeme qatnap áweregershiliktiń aldın alıw, mámleket orgınları axborot sistemasında bar bolǵan maǵlıwmatlardı isenimli qorǵaw boyınsha jumıslardı izbe-iz dawam ettiriw zárúr ekenligi hámde fizikalıq hám yuridikalıq shaxslar ushın mámleket xızmetlerin kórsetiw kólemin asırıw, puxaralar aralıqtan turıp elektron mámleketlik xızmetlerden ǵárezsiz paydalanıw múmkinshiliklerin keńeyttiriw, sonıń menen birge, buǵan baylanıslı hámme ushın teń sharayatlardı jaratıw arqalı inklyuziv ortalıqtı qáliplestiriw maqsetinde bir qansha ilajlardı ámelge asırıw belgilengen:
2022-jıl 1-avgusttan baslap, mámleket xızmetlerinen paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sistemasın engiziw;
Mobil-ID sisteması “Elektron húkimet” sistemasınan paydalanıwshılardı identifikaciyalaw shaxstı onıń mobil telefon nomeri arqalı identifikaciyalawdı názerde tutadı;
shaxstı Mobil-ID sisteması járdeminde identifikaciyalaw puqaranıń qálewine kóre mámleket xızmetleri orayı yamasa notarial mekeme tárepinen yamasa
birden-bir ınteraktiv mámleket xızmetler portalınıń mobil ilabası arqalı ámelge asırıladı ;
Mobil-ID sisteması járdeminde identifikaciyadan ótiw ushın puqara tárepinen tikkeley Oray yamasa notarial mekemege múraját etilgende shaxstı tastıyıqlawshı hújjettiń tiykarı usınıladı hám de Oray yamasa notarial mekeme xızmetkeri tárepinen puqaranıń júzi cifrlı formatda suwretke túsiriledi hámde elektron formada barmaq izi alınadı hám mobil telefon nomeri birden-bir ınteraktiv mámleket xızmetler portalıdaǵı jeke kabinetke baylanısadı;
Mobil-ID sisteması járdeminde identifikaciyadan ótiw ushın puqara tárepinen birden-bir ınteraktiv mámleket xızmetler portalınıń mobil ilavasınan paydalanılǵanda aralıqtan biometrik identifikaciyalaw (Face-ID) usılı yamasa
ID-kartadaǵı elektron cifrlı qol tańbası qollanıladı hámde mobil telefon nomeri
birden-bir ınteraktiv mámleket xızmetler portalındaǵı jeke kabinetke biypul baylanısadı;
tikkeley Oraylar yamasa notarial mekeme arqalı puqaralardı Mobil-ID sistemasına identifikaciya qılıw 2022-jıl 31-dekabrge shekem tólem óndirilmesten, 2023-jıl 1-yanvardan baslap bazalıq esaplaw muǵdarınıń 2 procenti muǵdarında bir mártelik tólew óndirilgen halda ámelge asıriladı ;
Mobil-ID sisteması paydalanıwshıları elektron cifrlı qol tańbanı qollanbaǵan halda barlıq mámleket xızmetlerinen (bunnan finanslıq xızmetler tısqarı ) paydalanıwı múmkin;
puqaranıń birden-bir ınteraktiv mámleket xızmetler portalındaǵı jeke kabinetine jiberiletuǵın barlıq xabarnomalar onıń qálewine kóre hám belgilengen tólewler tiykarında Mobil-ID sisteması arqalı identifikaciyalanǵan mobil telefon nomerine SMS-xabar formasında jiberiledi.
Bul párman menen respublikada mámleket xızmetlerin kórsetiwde byurokratizm hám basqarıw tarawındaǵı tosqınlıqlardı saplastırıw, gónergen hám zaman talaplarına say kelmaytuǵın tártip-dástúrlerdi túpten qısqarttırıwǵa qaratılǵan sistemalı jumıslar ámelge asırıw, atap aytqanda, xalıq hám isbilermenlik subektleri tárepinen 73 túrdegi maǵlıwmatnama hám hújjetler usınıw tártibi biykar etilip, mámleket shólkemleri tárepinen bul maǵlıwmatlardı “Elektron hukumat” sisteması mekemeler ara integraciyalawshı platformasınan paydalanǵan halda alıw sisteması engizildi.
Juwmaqlastırıp aytqanda, qabıl etilip atırǵan qaǵıydalar, eń awele insan huqıq hám erkinlikleri, olardıń máplerin qorǵaw, olarǵa múnasip jasaw shárayatın támiyinlew bolıp esaplanadı.
Taxtakópir rayonı yuridikalıq xızmet kórsetiw orayı
bas yuriskonsult Tleubaev Timur Dauletbay ulı.