Янгиликлар
22
Akciya sheńberinde ilaj shókemlestirildi.
Usı jıldıń 21-iyun kúni Qaraqalpaqstan Respublikası Ádillik ministrligi hámde rayonı ádillik bólimi menen birgelikte rayon aymaǵında jaylasqan puqaralardıń ózin-ózi basqarıw organları turǵınları hámde kóshe biyleri qatnasında ushrasıw ótkerildi.
Ushrasıwda rayonlıq ádillik bólimi baslıǵı N.Kalimbetov ashıp berdi hám alıp bardı, Ilájǵa Qaraqalpaqstan Respublikası Ádillik ministrligi bas másláhátshisi Z.Bazarbaeva hám PHAJ bólimi baslıǵı T.Mambetmuratovalar qatnasıtı.
Ushrasıw eki basqıshta ótkerilip birinshi basqıshta elimiz nızamshılıq tarawında júz berip atırǵan jańalıqlar haqqında keńnen túsinikler berilgen bolsa, ekinshi basqıshta puqaralardıń múrájatlerin úyreniwge qaratıldı.
Joqarıda atap ótilgenindey bólim xızmetkerleri tárepinen nızamılıq tarawındaǵı reformalarǵa toqtalar eken bunda, Jańa redakciyada qabıl etilgen Konstituciyaǵa keńnen túsinikler berilip, jańadan kiritilgen normalar mazmunı mánisi hámde saylaw nızamshılıǵı boyınsha toqtalıp ótildi.
Bunnan tısqarı qatnasıwshılarǵa aymaqtaǵı unamsız jaǵdaylardıń biri bolǵan shańaraqlardıń ortasında bolıp atır ajırımlardıń kóbeyiwi haqqında aymaq turǵınları menen pikir almasıldı. Bunday unamsız jaǵdaylardıń aldın alıw boyınsha aymaq turǵınlarına túsinikler berildi.
Sonıń menen bir qatarda respublika boylap ótkerilip atırǵan «Miynet huqıqların úyrenemiz» akciyası sheńberinde taraw qánigeleri jańa redakciyada qabıl etilgen Miynet kodeksi hámde qabıl etilip atırǵan nızam astı hújjetleriniń normaları haqqında da túsinikler berdi.
Iláj dawamında puqaralardıń múrájatleri tıńlanıp tiyisli tártipte kórip shıǵıw ushın dizimge alındı.
Qaraqalpaqstan Respublikası Ádillik ministrligi