Янгиликлар
22
Náwbettegi kóshpeli qabıllaw Shımbay rayonında ótkerildi.
Usı jıldıń 21-iyun kúni Qaraqalpaqstan Respublikası ádillik ministriniń birinshi orınbasarı E.Tursunov basshılıǵında «Miynet huqıqlarımızdı úyrenemiz» hámde «Insan huqıqları joqarı qádiriyat» huqıqıy akciyaları sheńberinde Shımbay rayonı «Gulistan» MPJ hám «Tazǵara» APJ turǵınları ushın 5-sanlı ulıwma orta bilim beriw mektebinde rayonlıq ádillik bólimi, rayon xalıq qabıllawxanası hámde bir qatar tiyisli taraw wákilleri menen birgelikte kóshpeliw qabıllaw shólkemlestirildi.
Qabıllaw dawamında aymaqta jasawshı 50 den artıq puqaralardıń múrájatları tıńlandı.
Múrájatlar tiykarınan puqaralardıń ózleriniń jasap turǵan aymaqtıń sociallıq hám kommunallıq tarawǵa tiyisli mashqalaları, sonday-aq, úy-jay támiynatı, jumısqa jaylasıw, sociallıq támiynat hámde jeke máseleleri boyınsha quradı.
Solardan derlik barlıq múrájatlar ornında óz sheshimlerin tawǵan bolsa, ayırım múrájatlar sektor baslıǵı hámde tiyisli taraw qánigeleri tárepinen qadaǵalawǵa alındı.
Sońın menen birge, qabıllawda rayon ádillik bólimi tárepinen puqaralarǵa jańa redakciyadaǵı Konstituciyanıń mazmun-mánisi hámde saylaw nızamshılıǵı boyınsha túsinikler berildi.
Qaraqalpaqstan Respublikası Ádillik ministrligi