Янгиликлар
19
Konstituciyalıq reformalar: Jańalanıp atırǵan Konstituciyada murajat etiw huqıqıy institutınıń jetilistiriwi.
Konstituciyamızdıń 40-statyasına muwapıq, hár bir shaxs ózi hám basqalar menen birgelikte wákillikli mámleket organlarına, shólkemlerge yamasa xalq wákillerine arza, usınıs hám shaǵım arza menen murájat etiw huqıqına iye. Arzalar, usınıslar hám shaǵım arzalar nızamda belgilengen tártipte hám múddetlerde kórip shıǵılıwı shárt.
Ózbekstan Respublikasında hár bir shaxstıń mámleketlik organlarına, shólkemlerge yamasa xalq wákillerine múrájat etiw huqıqıy konstituciyalıq norma tiykarında belgilenedi. Konstituciyada shaxslardıń arza, usınıs hám shaǵım arzalar menen murájat etiw túrleri bekkemlenip qoyıldı. Óz náwbetinde, hár bir shaxs usı konstiutciyalıq huqıqın ózi hám basqalar menen birgelikte ámelge asırıwı múmkin. Arzalar, usınıslar hám shaǵım arzalar nızamda belgilengen tártipte hám múddetlerde kórip shıǵılıwı shárt.
Ǵárezsizlik jıllarında Konstiutuciyada bekkemlengen shaxslardıń murájat etiw huqıqı «Puqaralardıń múrájatları haqqında»ǵı, «Puqaralardıń huqıqları hám erkinliklerin buzatuǵın is-háreketler hám qararlar ústinen sudqa shaǵım etiw haqqında»ǵı, «Fizikalıq hám yuridikalıq shaxslardıń múrájatları haqqında»ǵı Nızamlar arqalı ámelge asırıldı.
Atap aytqanda, 2017-jıl 11-sentyabrdegi «Fizikalıq hám yuridikalıq shaxslardıń murájatları haqqında»ǵı Nızamında puqaralardıń múrájat etiw huqıqın ámelge asırıwdıń tártibi keń jaratıp berilgen. Sonıń menen, xalıqtıń mámleket organlarınıń múnásibetke kirisiwdiń huqıqıy tártibi usı nızam menen tártipke salınǵan bolıp, kózde tutılǵan qaǵıydalar barlıq mámleketlik organları, mámleketlik janındaǵı shólkemlerge hám puqaralardıń ózini-ózi basqarıw organları ushın birdey ámel qıladı.
Usı Nızam mámleketlik organları hám mámleketlik shólkemlerine, sonıń menen olardıń lawazımlı shaxslar ushın fizikalıq hám yuridikalıq shaxslardıń múrájatları tarawındaǵı múnásibetlerin tártiptke salıwshı tiykarǵı normativ-huqıqıy hújjet bolıp esaplanadı.
Nızamǵa muwapıq, bugingi kúnde shaxslardıń murájatları nızamlılıq, óz waqtında hám tolıq kórip shıǵıw, murájatlarǵa talaplardıń birdeyligi, fizikalıq hám yuridikalıq shaxslardıń huqıqları, erkinlikleri hám nızamlı máplerine itibar qaratıw tiykarında ámelge asırılmaqta.
Moynaq rayonı ádillik bólimi
yuridikalıq xızmet kórsetiw
orayı bas yuriskonsultı: Q.Reymov