Янгиликлар
19
Nızamshılıqtaǵı jańalıqlar
2023-jıl 30-aprel kúninen baslap Ózbekstan Respublikasıınıń jańa redakciyadaǵı Miynet kodeksi kúshke kirdi.
Usı kodekske tiykarlanıp miynet tarawında miynet múnásibetlerin huqıqıiy jaqtan tártipke salıwǵa qaratılǵan bir qatar ózgerisler boldı.
Burınǵı miynet kodeksiniń 150-statyasında “is haqı saqlanbaǵan miynet dem alısı” túsinigi bar edi. Oǵan bola xızmetkerdiń arzasına tiykarlanıp, is haqı saqlanbaǵan halda miynet dem alısı xızmetker hám jumıs beriwshi ortasındaǵı kelisimge muwapıq on eki aylıq dáwir ishinde jámi 3 aydan artıq bolmaǵan múddetke beriletuǵın edi.
Usıǵıan qosımsha jańa redaksiyadaǵı Miynet kodeksiniń 240-statyası menen “is haqınıń bir bólegi saqlanatuǵın miynet dem alısı” haqqındaǵı taza norma kirgizildi.
Oǵan bola is haqınıń bir bólegi saqlanatuǵın miynet dem alısın beriw tártibi hár bir shólkemniń ishki lokal hújjetlerinde, tiykarınan jámiyetlik shártnamasında ya bolmasa miynet haqqındaǵı basqa huqıqıy hújjetlerde hámde miynet shártanamasında názerde tutılıwı hám kalendar jıl dawamında eń kóp beriletuǵın múddeti belgileniwi múmkin.
Bunda xızmetker is haqınıń bir bólegi saqlanatuǵın dem alısqa shıǵıwǵa razılıǵın jumıs beriwshige óz arzası arqalı bildiredi.
Jumıs beriwshi xızmetkerdi xızmetkerdiń razılıǵısız májbúriy túrde bunday dem alısqa shıǵara almaydı.
Bunnан тısqarı kárxananıń lokal hújjetlerinde jumıs beriwshi xızmetkerdiń iltimasına bola, oǵan is haqınıń bir bólegi saqlanatuǵın dem alıs beriwi shárt bolǵan hallar da názerde tutılıwı múmkin.
Jańa redaksiyadaǵı miynet kodeksiniń 240-statyası 4-bóliminde is haqınıń bir bólegi saqlanatuǵın dem alısqa (otpuska) shıǵarılǵan xızmetkerdiń is haqı muǵdarı nızamshılıqta belgilengen miynetke haqı tólewdiń eń kem muǵdarınan kem bolıwıw múmkin emesligi belgilengen. Sonday-aq, bul bólimde eger xızmetker is haqı saqlanatuǵın dem alısta bolǵan dáwirde miynetke haqı tólewdiń eń kem muǵdarı asırılǵan bolsa,usı asırılıwdı esapqa alǵan halda xızmetkerge tiyisli is haqı muǵdarı qayta esap-kitap qılınıwı kerekligi de kózde tutılǵan.
Shımbay rayonlıq ádillik bólimi
Yuridikalıq xızmet kórsetiw orayı
bas yuristkonsulti Sh.J.Matniyazov