Янгиликлар
19
Jer qatnasıqların tártipke salıwshı nızamshılıqtaǵı jańalıqlar
Mámleketimizde jerden ilimiy tiykarlanǵan halda, aqılǵa say paydalanıw jáne onı qorǵaw, xojalıq júrgiziwdiń barlıq túrlerinen teń huqıqlılıq tiykarında rawajlandırıw ushın sháryat jaratıw, yuridikalıq hám fizikalıq shaxslardıń jer uchastkalarına bolǵan huqıqların qorǵaw, sonıń menen birge, usı jóneliste nızamlılıqtı bekkemlew, korrupciyaǵa tiyisli huqıqbuzarlıqlardıń aldın alıw menen baylanıslı qatar tártipler belgilengen.
Jer - ulıwma milliy baylıǵımız. Keyingi jılları bul resurstan aqılǵa say paydalanıw jáne onı qorǵaw, jer munasábetleri salasında nızamlılıqtı támiyinlewge ayrıqsha itibar qaratılıp atır. Atap aytqanda, informaciya texnologiyaların engiziw arqalı jer ajıratıw rejiminiń ashıqlıǵı hám ashkaralıǵı artıp barmaqta, tarawda byurokratik tosıqlar jóneliske salınıp kelinbekte.
Atap aytqanda, Ózbekstan Respublikası Prezidentiniń 2021-jıl 8-iyunda “Jer múnásibetlerinde teńlik hám ashıqlıqtı támiyinlew, jerge bolǵan huqıqlardı isenimli qorǵaw hám olardı bazar aktivine aylandırıw ilájları haqqında”ǵı PP-6243-sanlı Pármanı qabıl etildi. Pármanǵa kóre, jerdi jeke sektorǵa múlk hám ijara huqıqı, mámleket shólkemlerine turaqlı paydalanıw huqıqı tiykarında beriw tártibi engizildi. Miyras etip qaldırılatuǵın ómirlik iyelik etiw, turaqlı iyelik etiw, waqtınsha paydalanıw huqıqları menen jer ajıratıw sıyaqlı bazar ekonomikası talaplarına say bolmaǵan ámeliyatlar tamamlanılıp, jerge bolǵan huqıq túrlerin 6 dan 3 ke kemeytiw názerde tutıldı.
Awıl xojalıqqa mólsherlenbegen jerlerdi jeke sektorǵa tek aukcion arqalı satıw tártibi engizildi. Awıl xojalıqqa mólsherlenbegen jerler Ózbekstan puqaraları hám yuridikalıq shaxslarǵa jeke menshik etip menshiklestiriw múmkin bolmaǵan jerler bolsa ijara huqıqı tiykarında satılıwı jolǵa qoyıldı. Hákim sheshimi menen mámleketlik emes sektorǵa jer ajıratıw hám de jerlerdi tuwrıdan-tuwrı hám mutqa beriw ámeliyatı biykar etildi. Awıl xojalıǵı jerlerin tek ijara huqıqı tiykarında ajıratıw tártibi engizildi. Bunday jerler puqara hám shólkemlerge (sırt el puqaralarınan tısqarı) ashıq tańlaw tiykarında beriliwi jolǵa qoyıldı. Ashıq tańlawǵa arza qabıllaw, talaban haqqındaǵı maǵlıwmatlardı toplaw hám bahalaw elektron formada ámelge asırılmaqta. Sonıń menen birge, rayon hákimleriniń jer ajıratıw hám qaytarıp alıw haqqında qarar qabıllaw kepilligi tolıq biykar etildi. Wálayat hákiminiń jer munasábetlerine tiyisli barlıq qararları ádillik basqarmasında huqıqıy ekspertizadan ótkeriliwi jolǵa qoyıldı. Jer haqqındaǵı nızamshılıq hújjetlerin qollawda payda bolǵan mashqalalardı anıqlaw, olardı saplastırıw, sonday-aq, nızamshılıq hújjetlerin jetilistiriw, jerden aqılǵa say paydalanıw boyınsha shet el tájiriybelerin úyrenip, milliy ózgesheliklerin esapqa alǵan halda engizip, tarawda huqıqtı qollawdıń birden-bir ámeliyatın qáliplestiriw boyınsha usınıslardı muwapıqlastırıp baratuǵın Respublika keńesi hám orınlarda aymaqlıq keńesler shólkemlestirildi. Itibar bergen bolsańız búgingi kúnde jerden nızamsız túrde paydalanıw, jerdi pullap satıw, jerdi ózbasımshalıq penen iyelep alıw hám de jer menen baylanıslı múnásibetlerdegi korrupcion jaǵdaylardıń aldı alınbaqta hám de jerden paydalanıw boyınsha bárshe ushın ashıq bolǵan sistema jolǵa qoyıldı.
Xojeli rayonı ádillik bóliminiń
Yuridikalıq xızmet kórsetiw
orayı bas yuriskonsultı S.Aytmuratov