Янгиликлар
01
Puqaralar ushın qolaylıqlar
Ózbekstan Respublikası Prezidentiniń «Puqaralardıń huquq hám erkinliklerin támiynlew hámde huqıqıy xızmet kórsetiwde ádillik organları hám mákemeleri iskerliginiń nátiyjeliligin jánede asırıw is-ilajları haqqında»ǵı 2022-jıl 17-marttaǵı PP-89-sanlı pármanına tiykar puqaralarǵa puqaralıq halatı akt jazıwların dizimge alıw menen baylanıslı mámleketlik xizmetlerdi ańsat hám qolay shárayatlarda kórsetiw, tuwılǵanlıq halatların óz waqtında dizimge alıw, neke dúzilgenligi hám nekeden ajırasıw halatların dizimge alıwda artıqsha aweregershiliklerdiń aldın alıw, korrupsiya jaǵdayları hám ondaǵı náwbetlerdi saplastırıw hámde puqaralıq halatı aktlerin dizimge alıw tártibin jánede jedellestiriw maqsetinde Ózbekstan Respublikası Ministrler Kabinetiniń 14.11.2016-jıl 387-sanlı qararı menen qabıl etilgen “Puqaralıq halatı akt jazıwların dizimge alıw qaǵiydaları” na ózgeris kiritildi. Yaǵnıy 2022-jıl 29-sentyabrden baslap Tuwılǵanlıqtı medicina birlespeleri arqalı puqaralarǵa puqaralıq halatı akt jazıw bólimlerinde dizimge alıw tártibi 2023-jıl 1-yanvardan baslap Tashkent qalasında, 2023-jıl 1- iyunnan baslap barlıq respublika boylap engiziliw belgilengen.
Tuwılǵanlıq halatı puqaralıq halatı aktlerin jazıw bólimlerinde dizimge alınǵanlıǵı haqqında medicina birlespesi tárepinen QR kod (matrik shtrix kod) túsirilgen maǵlıwmatnama beriledi. Usı maǵlıwmatnama tuwılǵanlıq haqqında gerbli guwalıqqa teńlestiriledi hám mámleket organları shólkemleri tárepinen qabıl etiwden bas tartıw qatań qadaǵan etiledi.
Tuwılǵanlıq haqqında gerbli guwalıq puqaralardıń qálegen waqtında múrajatlarına tiykar puqaralıq halatı aktlerin jazıw bólimleri tárepinen belgilengen muǵdarda gerb jıyımı óndirilgen halatta rasmiylestirilip beriledi.
Nekege kiriw haqqında arza berilgende nekeleniwshi shaxslardıń jasaw orınındaǵı máhálle puqaralar jiyının xabardar etiw, PHAJ bólimleri tárepinen Alfavit dápterin júritiw, Neke hám dizimge alınǵanda shaxsın tastıyıqlawshı hújjetlerge shtamp yaǵnıy belgi qoyıw, Shaxsın tastıyıqlawshı hújjetti almastırıw haqqında shtamp belgi qoyıw, Ólim haqqında akt jazıwı dizimge alınǵanda shaxsın tastıyıqlawshı hújjet pasport hám áskeriy guwalıqtı talap etiw, Pochta arqalı kelip túsken arza boyınsha tákrariy guwalıq beriw Minsk konvensiyası bunnan tısqarı biykar etildi. Bul óz gezeginde xızmet kórsetiwde jánede tez sapalı ámelge asırıwda tiykar bolıp esaplanadı.
T.Mambetmuratova
Bozataw rayonı ádillik bólimi
PHAJ bólimi baslıǵı