Янгиликлар
31
Ayırım rayonlarda isbilermenler ushın jeńillikler belgilenedi.
Aymaqlar ortasındaģı ekonomikalıq teńsizlikti kemeytiw maqsetinde, rayon hám qalalardı olardıń sharayatı, potencialı hám múmkinshiliklerinen kelip shıqqan halda rawajlandırıw, sonıń menen bir qatarda, isbilermenlik ortalıģın jáne de jaqsılaw maqsetinde “Respublika aymaqların taypalarģa ajıratıw hám isbilermenlikti qollap-quwatlawdıń gruppalastırılģan sistemasın engiziw ilájları haqqında”ģı 2022-jıl 30-dekabr kuni 287-sanli Prezident pármanı qabıl etildi.
Pármanģa muwapıq, 2023-jıl yanvar ayınıń 1-sánesinen baslap respublikanıń 208 rayon hám qalaları 5 taypaģa ajıratıladı. Rayon hám qala taypasınan kelip shıqqan halda, isbilermenlerge salıq jeńillikleri, subsidiyalar beriledi. 2023-jıl yanvar ayınıń 1-sánesinen
2026-jıl yanvar ayınıń 1-sánesine shekem salıq salıwdıń tómendegi gruppalastırılģan tártibi engiziledi yaģniy 5-taypadaģı rayonlarda dizimnen ótken hám sol aymaqlarda isbilermenlik penen shuģıllanıp atırģan puxaralar, payda salıģı aylanbasınan alınatuģın salıq hám sociallıq salıqtıń1 procenti, yuridikalıq shaxslardıń mal-múlkine salınatuģın salıq hám yuridikalıq shaxslardan alınatuģın jer salıģın usı salıqlar boyınsha esaplanģan summanıń 1 procenti muģdarındaģı salıq stavkaları boyınsha tóleydi. Bunda iri salıq tólewshiler, turaqlı mákeme, byudjet shólkemleri hám mámleketlik kárxanalar, ustav fondıda mámleketlik úlesi 50 procent hám onnan kóbirek muģdarda bolģan yuridikalıq shaxslar bunnan tısqarı. Sonday-aq, 5-taypadaģı rayonlarda dizimnen ótken hám sol aymaqlarda iskerlik júrgizetuģın jeke tártiptegi isbilermenler fizikalıq shaxslardan alınatuģın dáramat salıģınıń qatań belgilengen summaların tólewden azat etiledi.
2023-jıl yanvar ayınıń 1-sánesinen baslap 4 hám 5-taypadaģı rayonlarda dizimnen ótken hám sol aymaqlarda iskerlik júrgizetuģın kishi isbilermenlik subektlerine banklerdiń kredit hám lizing boyınsha onıń tiykarģı stavkadan asqan, biraq Oraylıq bank tiykarģı stavkasınıń 40 procentinen kóp bolmaģan bólegin qaplaw ushın kompensaciya, bankler kreditleriniń 75 procentine shekem, biraq ulıwma bahası 2,5 milliard sumnan aspaģan muģdarda kepillik usınıs etiledi. Sonday-aq, xalıq hám isbilermenlerge subsidiya ajıratıwdıń asırılģan muģdarları, isbilermenlik iskerligin rayon hám qalalar taypalarınan kelip shıqqan halda qollap-quwatlaw ilajları Párman menen tastıyıqlandı.
Shımbay rayonı ádillik bólimi
Mámleketlik xızmetler orayı bólim baslıģı B.Bekniyazov