Янгиликлар
30
Xalıqtıń sanatoriyalarda emleniwi ushın jollanbalar beriw tártibi
Ózbekstan Respublikası Ministrler Kabinetiniń 2021-jılı 19-noyabrde «Xalıqtıń sanatoriyalarda emleniwi ushın jollanbalar beriw tarawına xabar-texnologiyaların engiziw xaqqında»ǵı 693 sanlı qarar qabıl etilgen bolıp, usı qararǵa tiykar bul xızmet boyınsha 2022 jılı 1 oktyabr sánesinen baslap tek ǵana fizikalık shaxslar mámleketlik xızmetler orayı yamasa Birden-bir interaktiv mámleketlik xızmetler portalı arqalı murajaat etiw belgilengen.
Ózbekstan Respublikası medicinalık-social xızmetlerdi rawajlandırıw agentligi sistemasındaǵı nuranıylar, mayıplıǵı bolǵan shaxslar, urıs xám miynet veteranları ushın sanatoriyalarǵa jollanbalar tómendegi tártipte beriledi.
Xár jılı náwbet tiykarında
- urıs mayıplıǵına teńlestirilgen shaxslarǵa;
- Respublikalık áhimiyetke iye jeke napaqa alıwshı shaxslar;
- CHernobl AES nátiyjesinde nurlanıw keseligine ushraǵan va onı basınan keshirgen shaxslar sonday-ak mayıp bolıp kalǵanlar;
- Yadro poligonları va baska radiyaciya–yadro obektlerinde áskeriy xızmette bolǵan pensiya jasındaǵı shaxslar;
- Ozgeler qaramaǵına mútáj jalǵız bolǵan nuranıylar;
Xár 2 jılda bir márte
-urıs katnasıushılarına tenlestirilgen shaxslarga;
- qaytıs bolǵan urıs qatnasıushılarınıń jańadan nekeden ótpegen jesir hayal (kuyeui);
- 1-2 topar mayıplılǵı bolǵan shaxslar xám kózi áziz 1 topar mayıp shaxslardı jeteklewshi shaxsqa;
Xár 3 jılda 1 mártebe
- Jasqa baylanıslı pensiya alıwshılarǵa beriledi.
Jollanbalar nuranıylar hám mayıplıǵı bolǵan shaxslarǵa 12 kúnge, jollanbalardıń ámel qılıw múddeti baslanıwınan 10 kún aldın (tıyanaqlı sebeplerge kóre qaytarılǵan jollanbalar bunnan tısqarı ) beriledi. Jollanba alıw ushın náwbetke qoyılgan shaxs jollanbadan paydalanbaǵanda elektron dizimnen shıǵarıladı xám dizim jańalanadı.
Jollanbalar sanatoriyalardaǵı bar bolǵan orınlardan kelip shıǵıp byudjet tárepinen ajıratılǵan qarjıları sheńberinde náwbet tiykarında beriledi.
2-máselesi yaǵnıy qızınıń semyalıq jaǵdayına baylanıslı Baǵıwshısın joǵaltqanlıq haqqında pensiya tayınlanıwı boyınsha;
Ózbekstan Respublikası Ministrler Keńesiniń 28.04.2021-jıldaǵı 248-sanlı «Sociallıq qorǵawǵa mútáj ayırım taypadaǵı puqaralarǵa pensiya belgilew boyınsha mámleket xızmetlerin kórsetiwdiń basqarıw reglamentın tastıyıqlaw tuwrısında»ǵı qararına tiykar;
Sociallıq qorǵawǵa mútáj ayırım taypadaǵı puqaralarǵa pensiya belgilew boyınsha mámleket xızmetlerin kórsetiw 2021-jıl 1-avgusttan baslap ámelge kiritilgen bolıp, baǵıwshısın joǵaltqanlıq pensiyasın belgilewdi sorap pensiya alıw huqıqına iye bolǵan shaxs qaytıs bolǵan kúnnen baslap altı ay ishinde múrájaat etilgen bolsa, pensiyanı alıw huqıqı payda bolǵan kúnnen baslap tayınlanadı.
Qalǵan barlıq jaǵdaylarda pensiya múrájaat etilgen kúnnen baslap tayınlanadı.
Nókis qalası ádillik bólimi
Mámleketlik xızmetler orayı direktorı A.Ixlasov