Янгиликлар
24
JShJniń shólkemlestiriw shártnamasın mámleketlik diziminen ótkeriw biykar etiledi
Korporativ qatnasıqlardıń huqıqıy tiykarların jánede jetilistiriw is-ilajları haqqındaǵı Prezident qararı (PQ–415-san, 08.11.2022-j.) qabıl etildi
Qararǵa muwapıq, 2022-jıl 1-dekabrden kommerciyalıq shólkemleri iskerliginde tómendegi talaplar biykar etildi:
- JShJniń shólkemlestiriw shártnamasın mámleketlik diziminen ótkeriw;
- JShJniń wákillerine ulıwma jıynalısta qatnasıw ushın beriletuǵın isenim xattı notarial tastıyıqlaw;
- JShJda rezerv jamǵarması shólkemlestirilgende, onıń muǵdarın ustav fondınıń keminde 15 procenti etip belgilew.
Tómendegi shólkemlerde ishki auditti shólkemlestiriw:
- juwapkershiligi sheklengen jámiyet;
- aktivleriniń balans bahası BEMnıń 100 mıń esesinen kem, mámleketlik úlesi
50 procent hám odan kóp aksiyanerlik jámiyetleri hám mámleketlik unitar kárxanaları/
2023-jıl 1-marttan unitar kárxana yaki qosımsha juwapkershilikli jámiyet formasında yuridik shaxs shólkemlestiriw toqtatıldı.
2023-jıl 1-aprelden:
➖ JShJ ustav fondına qosılatuǵın, bahası BEMnıń 10 mıń esesinen kóp pulsız úlesler bahalawshı shólkem tárepinen bahalanadı hám bahalanǵan bahadan joqarı bolıwı múmkin emes;
➖ yuridikalıq shaxslar qayta shólkemlestirilgende, kárxanalardıń huqıq hám májbúriyatları qayta shólkemlestirilgen yuridikalıq shaxsǵa ótken esaplanadı.
2023-jıl 1-iyuldan xojalıq jámiyetiniń filialları, wákilxanaları shólkemlestirilgenligi hám onıń ustav fondı qáliplestirilgenligi hámde tólewge qábiletsizligi boyınsha is qozǵaltılǵanlıǵı haqqındaǵı maǵlıwmatlar Birden-bir interaktiv mámleketlik xızmetleri portalı (my.gov.uz) da járiyalanadı.
Shımbay rayonı ádillik bólimi
mámleketlik xızmetleri orayınıń
direktorı w.w.а B.Tokumbetov