Янгиликлар
24
Korrupciya-shaxstıń óz lawazım yaki xızmet dárejesinen paydalanıp jeke máplerdi yamasa ózge shaxslardıń máplerin gózlep materiallıq yaki materiallıq emes payda alıw maqsetinde nızamǵa qarsı ráwishte islengen háreket bolıp tabıladı.
Korrupciya-bul jámiyette turli jollar menen materiyallıq máp alınatuǵın jaman illet, sonday-aq ol demokratiya hám huqıq ústinligine zıyan keltirip, insan huqıqlarınıń buzılıwına alıp keledi. 2017-jıl 3-yanvar kúni Ózbekstan Respublikasınıń «Korrupciyaǵa qarsı gúresiw haqqında»ǵı Nızamı qabıl etilip, bul nızamnıń 3-statyasında «korrupciya» terminine túsinik berilgen. Bul normaǵa muwapıq, Korrupciya-shaxstıń óz lawazım yaki xızmet dárejesinen paydalanıp jeke máplerdi yamasa ózge shaxslardıń máplerin gózlep materiallıq yaki materiallıq emes payda alıw maqsetinde nızamǵa qarsı ráwishte islengen háreket bolıp tabıladı.
Sonday-aq, Ózbekstan Respublikası Prezidentiniń «Korrupciyaǵa qarsı gúresiw haqqında»ǵı Ózbekstan Respublikası Nızamınıń qaǵıydaların ámelge asırıwis-ilajları haqqında»ǵı 2017-jıl 2-fevral kúni PQ-2752-sanlı Qararı qabıl etildi.
Prezidentimiz saylanǵan kúninen baslap eń birinshi korrupciya degen jaman illettiń túp tamırı menen joq etiwge názerin awdardı. Eń birinshi elimiz puxaralarınıń máplerin baslı wazıypa etip hám olardıń jolındaǵı bunday tosıqlardı boldırmawdı belgilep berdi. Bunıń ayqın dálili sıpatında Ózbekstan Respublikası Prezidentinin 2017-jıl 12-dekabr kúngi «Xalıqqa mámleketlik xızmetlerdi kórsetiwdiń milliy mexanizmin túpten reformalaw is-ilájları haqqında»ǵı PP-5278-sanlı pármanı hám «Ózbekstan Respublikası Ádillik Ministrligi janındaǵı Mámleketlik xızmetler agentligin shólkemlestiriw haqqında»ǵı 2017-jıl 12-dekabr kúni PQ-3430-sanlı qararı menen barlıq qala hám rayonlarda Mámleketlik xızmetler orayları shólkemlestirildi. Bunda tiykarǵı maqset Xalqımızǵa mámleketlik xızmetlerdi kórsetiw tarawında olardıń sapasın, tezligin, áshkaralıǵın hám paydalanıw imkaniyatın túpten jetilistiriw «Xalıq mámleketlik uyımlarǵa emes, mámleketlik uyımlar xalqımızǵa xızmet kórsetiw kerek degen» ullı ideyanı sózsiz amelge asırıw bolıp tabıladı.
Ózbekstan Respublikası Korrupciyaǵa qarsı gúresiw haqqındaǵı 2017-jıl 3-yanvar kúngi 419-sanlı nızamı menen Korrupciyaǵa qarsı gúresiw Agentligi shólkemlestirildi.
Ózbekstan Respublikası Prezidentinıń 2020-jıl 29-iyundaǵı PP-6013 sanlı “Ózbekstan Respublikasında korrupciyaǵa qarsı gúresiw sistemasın jedellestiriw boyınsha qosımsha is-ilájlar haqqında”ǵı pármanı qabıl etilip usı párman tiykarında korrupciyanıń aldın alıw hám oǵan qarsı gúresiw tarawında mámleketlik siyasatın, sonıń menen birge korrupciyaǵa baylanıslı huqıqbuzarlıqlardıń sebebin hám shárt-shárayatlardı joq etiw hámde korrupciyaǵa qarsı gúresiw ilájlarınıń nátiyjeligin asırıwǵa qaratılǵan mámleketlik hám basqa dástúrlerdı islep shıǵıw hám ámelge asırıw maqsetinde Agentliktıń tiykarǵı wazıypası etip:
Mámlekette korrupsiya jaǵdayın sistemalı tárizde analızlep barıwdı támiyinlew, sonıń menen birge korrupciyaǵa baylanıslı bolǵan qáwip-qáterler joqarı bolǵan tarawlarda hámde korrupciyaǵa baylanıslı bolǵan huqıqbuzarlıqlardıń kelip shıǵıw sebebin hám shárayatıń anıqlaw hám qarsı gúresiwge qaratılǵan is-ilajlardı islep shıǵıw, ámelge asırıw;
Puqaralardıń huqıqıy sanası hám mádeniyatın asırıwǵa qaratılǵan kompleks dástúrlerdi islep shıǵıw hám ámelge asırıw, korrupciyanıń aldın alıw, oǵan qarsı gúresiw máselelerine baylanıslı xabarlardı tarqatıw hámde korrupciyaǵa qarsı gúresiwde oqıtıwdı shólkemlestiriw arqalı jámiyette korrupciyaǵa qarsı gúresiwdiń barlıq qatnasıqların shólkemlestiriw.
Mámleketlik hám xojalıq basqarıw uyımları, mámleketlik kárxanaları hám ustav kapitalında mámleketlik úles bolǵan kárxanalar hám sonıń menen birge banklerde korrupsiyaǵa qarsı ishki qadaǵalaw sisteması (“kompleks-qadaǵalaw”) hámde korrupsiyaǵa qarsı gúresiwdıń basqa xalıqara túrlerin járyalaw hám nátiyjeli xızmet kórsetiwdi shólkemlestiriw, zamanagóy usıllar hám xabar kommunikaciya texnologiyaları korrupciyaǵa qarsı gúresiw monitoringin alıp barıw, sonıń menen birge olardıń usı tarawdaǵı alıp barıp atırǵan jumısları boyınsha reyting dúziw;
Mámleketlik xızmetlerde hadallıq standartı (hadallıq vaksinası) hám máplerdıń soqlıǵısıwı máselelerin sheshiw standartların járiyalawda kómeklesiw boyınsha tásirsheń sharalardı kóriw sonıń menen birge olarǵa ámel etiw ústinen qadaǵalawdı ámelge asırıw h.t.b waziypalar belgilep berildi.
Joqarıda atap aytılıp ótilgen hám qabıl etilgen barlıq normativ huqıqıy aktler durıs jolǵa qoyılıp, hámme oǵan amel etse mámleketimızde korrupsiyanıń aldı alınǵan bolar edi.
Juwmaq retinde sonı aytıp ótiw tiyis, biz Adillik bólimleri korrupciyaǵa qarsımız, sol sebepli Yuridikalıq xızmet kórsetiw orayı tárepinen kórsetiletuǵın xızmetlerdi kórsetiwde materiallıq máplerdi kózlep, nızamda belgilenbegen tárizde tosqınlıqlar qılıw, puqaralardıń waqıtların alıp, artıqsha hújjetlerdi talap etiwge jol qoymaymız. Jańa Ózbekstan-bul Korrupciyasız keleshekke jol !!!
Nókis rayonı ádillik bólimi
Yuridikalıq xızmet kórsetiw
orayı bas yuriskonsultı: G.Izekeeva.