Янгиликлар
23
Korrupciyasiz keleshekke jol
Xalıq tilinde ápiwayılastırıp aytqanda korrupciya - dep atalaushı hádiyse barlıq reformalar negizine balta urıw, onı keltirip shıǵarıwshı sebep hám qarsı guresiw sharaların biliwimiz lazım.
Korrupciya túsinigine nızam hujjetlerinde tómendegishe táriyp berilgen.
Korrupciya bul jámiyette turli jollar menen qıstawǵa alınatuǵın jaman illet , sonday-aq ol demokratiya hám huqıq ustinligine zıyan keltirip, insan xuquqlarınıń buzılıwına alıp keledi. 2017-jıl 3-yanvar kúni Ózbekstan Respublikasınıń «Korrupciyaǵa qarsı gúresiw haqqında»ǵı Nızamı qabıl etilgen bolıp, bul nızamnıń 3-statyasında «korrupciya» terminine túsinik berilgen. Bul normaǵa muwapıq, korrupciya-shaxstıń óz lawazım yáki xızmet dárejesinen paydalanıp jeke máplerdi yamasa ózge shaxslardıń máplerin gozlep materiallıq yaki materiallıq emes payda alıw maqsetinde nızamǵa qarsı ráwishte paydalanıwı, sonday-aq, bunday paydanı nızamǵa qarsı ráwishte beriw.
Sonday-aq, Ózbekstan Respublikası Prezidentiniń «Korrupciyaǵa qarsı gúresiw haqqında»ǵı Ózbekstan Respublikası Nızamınıń qaǵıydaların ámelge asırıw is-ilajları haqqında»ǵı 2017 jıl 2 fevral kúni PQ-2752-sanlı Qararı qabıl etilgen.
Prezidentimiz saylanǵan kúninen baslap eń birinshi korrupciya degen jaman illetti túp tamırı menen joq etiwge nazerin awdardı. Eń birinshi elimiz puxaralarınıń máplerin baslı wazıypa etip hám olardıń jolındaǵı bunday tosıqlardı boldırmawdı belgilep berdi. Bunıń ayqın dálili sıpatında Ózbekstan Respublikası Prezidentinin 2017-jıl 12-dekabr kúngi «Xalıqqa mámleketlik xızmetlerdi kórsetiwdiń milliy mexanizmin túpten reformalaw is-ilájları xaqqında»ǵı PF-5278-sanlı pármanı hám «Ózbekstan Respublikası Ádillik Ministrligi janındaǵı Mámleketlik xızmetler agentligin shólkemlestiriw xaqqında»ǵı 2017-jıl 12-dekabr kúni PQ-3430-sanlı qararı menen barlıq qala hám rayonlarda Mámleketlik xızmetler orayları shólkemlestirildi. Bunda tiykarǵı maqset Xalqımızǵa mámleketlik xızmetlerdi kórsetiw tarawında olardıń sapasın, tezligin ashkaralıǵın xám paydalanıw imkaniyatın túpten asırıw «Xalıq mámleketlik uyımlarǵa emes, mámleketlik uyımlar xalqımızǵa xızmet kórsetiw kerek degen» ullı ideyanı sózsiz amelge asırıw bolıp tabıladı.
Juwmaq retinde sonı aytıp ótiw tiyis, biz Mámleketlik xızmetler orayları korrupciyaǵa qarsımız, sol sebepli orayımız tárepinen kórsetiletuǵın xızmetlerdi kórsetiwde materiallıq máplerdi kózlep, nızamda belgilenbegen tárizde tosqınlıqlar qılıw, puqaralardıń waqıtların alıp, artıqsha hújjetlerdi talap etiwge jol qoymaymız.
Biz Korrupciyaǵa qarsımız !!!
Nókis rayonı ádillik bólimi
Mámleketlik xızmetler orayı direktorı
Auezov Bekbosin Maratovich