Янгиликлар
24
Konstituciya ham shaxs qol qatilmasligi kepilligi
2023-jıl 30-aprel kúni ótkerilgen Ózbekstan Respublikası referendumına muwapıq ulıwmaxalıqlıq dawıs beriw arqalı jańa redakciyadaǵı Ózbekstan Respublikasınıń Konstituciyası qabıl etildi.
Konstituciyanıń ekinshi bólimi “insan hám puqaranıń tiykarǵı huqıqları, erkinlikleri hám minnetleri”ne arnalǵan.
Onda Ózbekstan Respublikasında insannıń huqıq hám erkinlikleri xalqaralıq huqıqtıń ǵalabalıq tán alınǵan normalarına tiykarlanıp hám de usı Konstituciyaga muwapıq tán alınadı hám kepillenedi. Insan huqıq hám erkinlikleri hár kimge tuwılǵanınan baslap tiyisli boladı.
Ózbekstan Respublikasında barlıq puqaralar birdey huqıq hám erkinliklerge iye bolıp, jınısı, rasası, milleti, tili, dini, isenimi, sociallıq shıǵısı, jámiyetlik awhalınıń ayırmashılıǵına qaramastan nızam aldında teń.
Konstituciyanıń 20-statyasında, insannıń Konstituciya hám nızamlarda bekkemlep qoyılǵan huqıq hám erkinliklerine qol qatılmaslıǵı hám de olardan sudtıń sheshimisiz ayırıwǵa yamasa olardı sheklep qoyıwǵa hesh kimniń haqısı joqlıǵı belgilengen.
Insannıń huqıq hám erkinlikleri tikkeley ámel etedi. Insannıń huqıq hám erkinlikleri nızamlardıń, mámleketlik uyımları, puqaralardıń ózin-ózi basqarıw uyımları, olardıń lawazımlı shaxsları jumısınıń mazmun-mánisin belgileydi.
Mámleketlik uyımlar tárepinen insanǵa qollanılatuǵın huqıqıy tásir sharaları sáykeslik principine tiykarlanıwı hám nızamlarda názerde tutılǵan maqsetlerge erisiw ushın jeterli bolıwı kerek.
Bunnan tısqarı, 25-statyada jasaw huqıqı hár bir insannıń ajıralmas huqıqı bolıp tabıladı hám ol nızam menen qorǵalıwı, insannıń ómirine qol qatıw eń awır jınayat bolıp tabıladı.
Sonday-aq, insannıń ar-namısı hám qádir-qımbatına qol qatılmaydı. Hesh nárse olardı kemsitiw ushın tiykar bolıwı múmkin emes.
Konstituciyanıń 27-statyasında, hár kim erkinlik hám jeke qol qatılmaslıq huqıqına iye.
Hesh kim nızamǵa tiykarlanbaǵan halda irkiwge alınıwı, uslap turılıwı, qamaqqa alınıwı, qamaqta saqlanıwı yamasa onıń erkinligi basqasha túrde shekleniwi múmkin emesligi, irkiwge alıwǵa, qamaqqa alıwǵa hám qamaqta saqlawǵa tek ǵana sudtıń sheshimine muwapıq jol qoyılıwı, shaxstı uslaw waqtında oǵan túsinikli tilde onıń huqıqları hám uslap turılıwı tiykarları túsindiriliwi shárt.
Nókis qalası ádillik bólimi
Yuridikalıq xızmet kórsetiw
orayı baslıǵı T.Utemıratov