Янгиликлар
22
Konstituciya hám shaxs qol qatılmaslıǵı kepilligi
Mámleketimizde insan huqıqları eń joqarı qádiriyat ekenligi ayrıqsha dárejede belgilengen. Konstituciyamızdıń 26-statyasında insannıń ar-namısı hám qádir-qımbatına qol qatılmasliǵı, hesh nárse olardı kemsitiw ushın tiykar bolıwı múmkin emes ekenligi belgilengen. Hesh kim qıynawlarǵa salınıwı, kúsh jumsawǵa, basqa ayawsız, insanǵa jat yamasa insannıń qádir-qımbatın kemsitiwshi háreketke yamasa jazaǵa duwshar etiliwi múmkin emes. Shaxsta onıń razılıǵısız medicinalıq hám ilimiy tájiriybeler ótkeriliwi múmkin emes.
Sonıń menen birge tiykarǵı nızamımızda hár kim erkinlik hám jeke qol qatılmaslıq huqıqına iye ekenligi, hesh kim nızamǵa tiykarlanbaǵan halda irkiwge alınıwı, uslap turılıwı, qamaqqa alınıwı, qamaqta saqlanıwı yamasa onıń erkinligi basqasha túrde shekleniwi múmkin emes ekenligi kórsetilgen.
Irkiwge alıwǵa, qamaqqa alıwǵa hám qamaqta saqlawǵa tek ǵana sudtıń sheshimine muwapıq jol qoyıladı. Shaxs sudtıń sheshimisiz qırıq segiz saattan artıq uslap turılıwı múmkin emes.
Shaxstı uslaw waqtında oǵan túsinikli tilde onıń huqıqları hám uslap turılıwı tiykarları túsindiriliwi shárt.
Nókis qalası ádillik bólimini
Yuridikalıq xızmeti kórsetiw orayı bas yuriskonsultı Rametullaev Inayatulla