Янгиликлар
22
❗️Er jetpegenlerge jınısıy hújim qılǵanlar jazadan múddetinen aldın shártli azat etilmeydi
Hayal-qızlar hám balalar huqıqları, erkinlikleri hámde nızamlı máplerin isenimli qorǵaw sisteması jánede jetilistiriliwi múnásibeti menen ayırım nızam hújjetlerine ózgertiw hám qosımshalar kirgiziw haqqında nızam (WRQ–829-san, 11.04.2023-jıl) Prezident tárepinen imzalandı
Jınayat kodeksine tómendegi ózgertiw hám qosımshalar kirgizildi:
1️⃣ Er jetpegen shaxs klassifikaciyalanǵan yaki súwretlengen pornografik ónimler menen qatnas etiw er jetpegen shaxs qatnasıwında qospashılıq etiw, qospashılıq bólmeler shólkemlestiriw jınayatları jınayatlarǵa tayarlıq yaki qastıyanlıq basqıshında toqtatılǵanda, usı jınayatlar ushın jaza tayınlawda jeńillik berilmeydi.
2️⃣ Tómendegi jınayatlardı islegenlerge jazadan múddetinen aldın shártli azat etiw qollanılmaydı:
▫️18 jasqa tolmaǵan jábirleniwshi namısına tiyiw hám onı jınısıy baylanısqa májbúr etiw menen baylantıslı jınayatlar;
▫️16 jasqa tolmaǵan shaxs penen jınısıy baylanıs yaki oǵan uyatsız-buzıq háreketler etiw;
▫️er jetpegen shaxs klassifikaciyalanǵan yaki súwretlengen pornografik ónimler menen qatnas etiw;
▫️er jetpegen shaxs qatnasıwında qospashılıq etiw, qospashılıq bólmeler shólkemlestiriw menen baylanıslı jınayatlar.
3️⃣ Hayaldı hámlesin jasalma túsiriwge májbúrlegenlik ushın juwapkershilik kúsheytilip, járiyma muǵdarı BEMnıń 100 esesinen 200 esesine shekem yaki 3 jıldan 5 jılǵa shekem belgili huqıqtan ayırıw yamasa 300 saattan 360 saatǵa shekem májbúriy jámiyetlik jumısları yaki 2 jıldan 3 jılǵa shekem miynet dúzetiw jumısları menen jazalanıwı belgilendi.
Aldın BEMnıń 50 esesine shekem járiyma yaki 300 saatqa shekem májbúriy jámiyetlik jumısları yamasa 2 jılǵa shekem miynet dúzetiw jumısları názerde tutılǵan.
4️⃣ Namısqa tiyiw (118-statya (https://lex.uz/docs/111453#240507)) hám jınısıy ıqtıyajdı zorlıq isletip ǵayrıtábiyiy usılda qandırıw (119-statya (https://lex.uz/docs/111453#240529)) jınayatları ushın juwapkerlik 5 jıldan 8 jılǵa shekem erkinen ayırıw menen jazalanıwı belgilendi. Aldın 3 jıldan 7 jılǵa shekem edi.
Sonday-aq, usı jınayatlar mayıplıǵı bolǵan shaxslarǵa, aldınǵı hayalına, bir xojalıq tiykarında birgelikte jasap atırǵan shaxsqa yamasa ulıwma perzentke iye bolǵan shaxsqa qarata isleniwi, jábirleniwshige qarap turıw júklengen tálim, tárbiya, emlew yaki basqa mákemeniń xızmetkeri tárepinen isleniwi jınayattı awırlastırıwshı jaǵday dep tabılıwı názerde tutılmaqta.
Mámleketlik xızmetleri orayı hám PHAJ organları
jumısların muwapıqlastırıw bólimi bas másláhátshisi E.Sabırova