Янгиликлар
18
Nızamshılıq jańalıqları: Mayıplıǵı bolǵan balalardıń ata- analarına miynetke jaramsızlıq beti beriledi
Mámleketimizde “Mayıplıǵı bolǵan shaxslardı qollap- quwatlaw sistemasın jetilistiriwge baylanıslı qosımsha is- ilájlar haqqında”ǵı prezident qararı qabıl qılındı.
Qararǵa muwapıq 2023- jılda mútáj shaxslar zamanagóy ayaq protez-ortopediya buyımları menen “Sociallıq qorǵaw birden- bir reyestri”ne kiritilgen hám I topar mayıplıǵı bolǵan shaxslar san protezi, baltır protezi hám ayaq remeni ortoped apparatları menen biypul támiynlenedi.
Sonday-aq, 2023- jıl 1-sentyabrden mayıplıǵı bolǵan shaxslardı protez-ortopediya maslamaları hám reabilitaciya quralları menen támiynlewde medicinalıq juwmaq talap etilmeydi. I hám II topar mayıplıǵı bolǵan shaxslar hám olarǵa ǵamxorlıq qilıwshılar mámleketlik xızmetlerinen náwbetsiz paydalńanadı, lawazımlı shaxslar qabıllawına náwbetsiz kiredi.
2023-jılı 1-maydan emlewxanalarda emlenip atırǵan mayıplıǵı bolǵan balaǵa ǵamxorlıq qılıp atırǵan shaxslarǵa:
• Balanıń qasında bolıw ushın sharayat jaratıladı;
• Usı dáwir ushın miynetke jaramsızlıq beti hám biypul awqat beriledi.
Pediatriya medicina- sociallıq ekspert komissiyaları balanıń mayıplıǵı bolǵan shaxs dep tapǵanda olarǵa napaqa tayınlawda qaytadan medicina- sociallıq ekspertizaǵa jiberiw biykar qılınadı.
“Yuridikalıq járdem” xabar sistemasında mayıplıǵı bolǵan shaxslarǵa biypul huquqıy járdem beriw ushın ayırıqsha múrajáát bólimi jaratıladı. Usı hújjet Ádillik ministirligi baslaması menen islep shıǵılǵan.
Házirgi kúnde medicina birlespelerinde emlenip atırǵan mayıplıǵı bolǵan balaǵa ǵamxjrlıq qılıw ushın usı birlespelerde onıń ókesi yamasa anasına (olardıń ornın basıwshı shaxsqa) sol shańaraqtaǵı balanı úzliksiz baǵıp atırǵan basqa aǵzalarına mayıplıǵı bolǵan balanıń qasında birge bolıw ushın shárayat jaratıladı.solardan:
• stacionar medicinalıq birlespelerde mayıplıǵı bolǵan balanı baǵıp atırǵan shaxsqa usı dáwir ushın jaramsızlıq beti beriledi;
• balalıqtan mayıplıǵı bolǵan shaxslarǵa ǵamxorlıq qılıwshı shaxslar (ota-onası hám basqalar) ushın emleniw dáwirinde mámleketlik stacionar medicinalıq mekemelerde biypul awqatlanıw jolǵa qoyıladı.
Shımbay rayonı PXAJ bólimi
2 darejeli inspektor I.Durısbergenova