Янгиликлар
18
Mámleketlik nıshanlardı húrmet etiwge minnetlimiz.
Ózbekstan Respublikası Konstituciyasınıń 5-statyasına tiykar Ózbekstan Respublikası nızam menen tastıyıqlanǵan óz mámleketlik nıshanları-bayraǵı, gerbi hám gimnine iye. Mámleketlik nıshanlar mámleket qorǵawında. Ózbekstan Respublikası Hákimshilik juwapkershilik haqqında kodeksiniń 2031-statyası menen Ózbekstan Respublikası yamasa Qaraqalpaqstan Respublikasınıń Mámleketlik bayraǵı, Mámleketlik gerbi yaki Mámleketlik gimni haqqındaǵı nızamshılıqtı buzıw- puqaralarǵa bazalıq esaplaw muǵdarınıń úsh esesine shekem, lawazımlı shaxslarǵa- bazalıq esaplaw muǵdarınıń úsh esesinen jeti esesine shekem jariyma salıwǵa sebep boladı. Tap usı huqıqbuzarlıq hákimshilik jaza sharası qollanılǵannan keyin bir jıl dawamında tákirar islense- puqaralarǵa bazalıq esaplaw muǵdarınıń úsh esesinen bes esesine shekem, lawazımlı shaxslarǵa- bazalıq esaplaw muǵdarınıń jeti esesinen on esesine shekem jariyma salıwǵa sebep boladı. Ózbekstan Respublikası Jınayat kodeksiniń 215-statyası menen Ózbekstan Respublikası yamasa Qaraqalpaqstan Respublikasınıń Mámleketlik bayraǵı, Mámleketlik gerbi yaki Mámleketlik gimnine húrmetsizlik qılıw- bazalıq esaplaw muǵdarınıń eliw esesinen júz esesine shekem jariyma yaki eki jıldan bes jılǵa shekem azatlıqtan sheklew yamasa bes jılǵa shekem azatlıqtan ayırıwǵa sebep boladı.
“Ózbekstan Respublikası mámleketlik bayraǵı haqqında”ǵı nızamınıń 52-statyası hám “Ózbekstan Respublikası mámleketlik gimni haqqında”ǵı nızamınıń 51- statyasına tiykar Ózbekstan Respublikası mámleketlik bayraǵı hám gerbi elementlerin mámleketlik emes shólkemler hújjetleriniń rekvizitleri hám reklama materiallarında kiritiliwine jol qoyılmaydı. Ózbekstan Respublikası mámleketlik bayraǵı hám gerbi kórinisi túsirilgen islep shıǵarılıp atırǵan yaki realizaciya qılınıp atırǵan tovarlardı (islerdi,xızmetlerdi) ótkiziw ushın kommerciyalıq maqsetlerde paydalanıw múmkin emes. Mámleketlik emes kommerciyalıq emes shólkemlerdiń belgileri Ózbekstan Respublikası mámleketlik bayraǵı hám gerbine uqsas bolıwı múmkin emes. “Ózbekstan Respublikası mámleketlik gimni haqqında”ǵı nızamınıń 7-statyasına tiykar Ózbekstan Respublikası mámleketlik gimni kopshilik janında atqarılǵanda, eger nızamshııqta basqa qaǵıyda belgilengen bolmasa, bar bolǵan adamlar gimndi tik turıp hám oń qol alaqanın kókrektiń shep tárepine qoyıp, áskeriy yaki mámlekettiń basqa xızmetindegi arnawlı kiyimdegi shaxslar bolsa qolın bas kiyimine qoyıp tıńlaydı.
Qońırat rayonı ádillik bólimi
Yuridikalıq xızmet kórsetiw orayı baslıǵı A.Kaliyev