Янгиликлар
24
KIMLER MÁMLEKETLIK PUQARALÍQ XÍZMETKERLERI BOLÍP ESAPLANADÍ?
Mámleketlik uyım hám mámleketlik shólkemlerindegi xızmetkerler mámleketlik puqaralıq xızmetkerleri bolıp tabıladı. Biraq, hámme xızmetkerler de mámleketlik puqaralıq xızmetkerleri bolmaydı.
“Mámleket puqaralıq xızmeti haqqında”ǵı nızamnıń 4-statyasına tiykarlanıp, mámleket puqaralıq xızmeti lawazımlarınıń mámleket reestrine kiritilgen lawazımlarda isleytuǵın xızmetkerler ǵana mámleketlik puqaralıq xızmetkerleri bolıp tabıladı. Yaǵnıy, bul jerde bólek mámleketlik reestrine (yaǵnıy arnawlı kestege) kiritilgen lawazımlardaǵı xızmetkerler túsiniledi.
Bul reestr barma hám ol kim tárepinen tastıyıqlanadi?
Reestr házirshe joq. Biraq jańa Nızamnıń 22-statyasına tiykarlanıp mámleketlik puqaralıq xızmeti lawazımlarınıń mámleketlik reestri Prezident tárepinen tastıyıqlanıwı kórsetilgen.
“Mámleketlik puqaralıq xızmeti haqqında”ǵı Nızamnıń 3-statyasına qarap sonday mámleketlik xızmetkerleri bar, eger olar mámleketlik uyımı quramında bolsada, olarǵa bul nızamdaǵı mámleketlik puqaralıq xızmetkerleri statusı qollanbaydı, bular :
Ózbekstan Respublikası Prezidenti, Oliy Majlis deputatları hám senatorlar, Qaraqalpaqstan Respublikası Joqarǵı Keńesi hámde jergilikli mámleketlik hákimiyatı wákillik uyımları deputatları, Oliy Majlis Nızamshılıq palatası hám Senatı Apparatı xızmetkerleri, Oraylıq saylaw komissiyası aǵzaları, sudyalar hám sud sisteması xızmetkerleri, Oraylıq bank basqarması aǵzaları, prokuratura, ishki isler, qorǵanıw jumısları, ayrıqsha jaǵdaylar, Milliy gvardiya, Mámleketlik bajıxana xızmeti, MQX, Prezident qáwipsizlik xızmeti uyımlarında islep atırǵan xızmetkerler, sonıń menen birge áskeriy xizmetkerler bolıp tabıladı.
Bunnan tısqarı, mámleketlik uyımlarınıń texnikalıq, islep shıǵarıw hám xızmet kórsetiw xızmetkerlerine de bul Nızamdaǵı mámleketlik puqaralıq xızmetkerleri sıpatında qaralmaydi.
Mámleketlik shólkemleri hám mámleketlik uyımlarınıń (ministrlikler, mámleketlik komitetleri, mámleketlik mákemeleri hám basqalarınıń) arnawlı mámleketlik reestrine kirgen lawazımlarda isleytuǵın xızmetkerleri ǵana mámleketlik puqaralıq xızmetkerleri bola aladı.
Kegeyli rayonı
ádillik bólimi baslıǵı w.w.a. B.B.Ikmetullaev