Янгиликлар
27
Elektr tarmaqlarına jalǵaw boyınsha Mámleketlik xızmetler kórsetiwdegi ózgerisler
2021–jil 31–avgusttegi Ózbekistan Respublikasi Ministrler Kabinetiniń 555-sanli qararina muwapiq, Fizikaliq hám yuridikaliq shaxslardi elektr tarmaqlarina jalǵaw boyinsha mámleketlik xizmetlerin kórsetiwdiń hákimshilik reglamenti tastiyqlandi.
Oǵan kóre 2022-jil 1-yanvardan baslap fizikaliq hám yuridikaliq shaxslardi elektr tarmaqlarına jalǵaw boyınsha mámleketlik xizmetlerin reglamentke muwapiq Mámleketlik xizmetler oraylari, birden-bir interaktiv mámleketlik xizmetler portali (keyingi orinlarda—BIMXP) yamasa tutiniwshilardi elektr tarmaqlarina jalǵawdiń barliq basqishlari toliq sanlastiriliǵan halda engiziletuǵin «ELEKTR» dástúriy támiynati (keyingi orinlarda — Onlayn platforma) arqali ámelge asiriladi.
Reglament elektr tarmaqlarina jalǵanatuǵin tutiniwshilarǵa olardiń jańa hám rekonstruksiya qilinip atirǵan elektr qurilmalarin, soniń menen birge, jalǵanǵan quwatliliǵin asirmastan elektr támiynati sxemasi ózgergende, elektr támiynati isenimliligi kategoriyasi hám jalǵaniw noqatlari ózgertilgende qollanıladı.
Tutiniwshilardiń elektr qurilmaların elektr tarmaqlarına jalǵaw jumısların ámelge asırıw ushın texnikalıq shártti (keyingi orinlarda — texnikaliq shárt), elektr támiynatı joybarların, ámelge asırılǵan qurılıs-montaj hám sazlaw-iske túsiriw jumisları hámde elektr qurilmaların texnikalıq kórikten ótkeriw boyınsha aktin (keyingi orinlarda — Akt) rásmiylestiriw talap etilmeydi.
-jalǵanatuǵın quwatlılıǵi 20kVt qa shekem bolǵan tutiniwshilardıń xojaliqlari hám úy-jaylarin elektr tarmaqlarına jalǵawda;
- tutiniwshilardıń familiyasi, atı hám ákesiniń ati ózgergende, turar jaylar, sonday-aq, kóp kvartiralı úylerdiń jalǵanǵan quwatlılıǵi hám sirtqı elektr támiynati sxemasi ózgermegen halda iyesi ózgergende (kóshpes múlktiń aldi-satti shártnamasi, sawǵa shártnaması hám basqa da hújjetler tiykarinda) yaki kóshpes múlk obekti biyganalastirilǵanda;
-yuridikaliq tutiniwshilardıń jalǵanǵan quwatlılıǵı hám sirtqı elektr támiynati sxeması ózgermegen halda yuridikalıq shaxstıń shólkemlestirilgen-huqiqiy formasi hám shólkem atı ózgergende.
Bunda tutiniwshilar elektr energiyasın ólshew priborın plombalaw hám elektr támiynatı shártnamasın dúziw ushin óz qálewine kóre Birden-bir interaktiv mámleketlik xizmetler portali yamasa Onlayn platforma arqalı múrájat etedi.
Eger qurilis-montaj jumisların ámelge asırıw hám ólshew priborın ornatıw yamasa almastırıw talap etilmese, tutınıwshılarǵa tek elektr támiynatı shártnaması Mámleketlik xizmetler orayi (tutiniwshı ózi kelip múrájat etkende), BIMXP yamasa Onlayn platforma arqali jiberiledi.
Mámleketlik xizmetlerdı kórsetiw ushın bazaliq esaplaw muǵdarınıń 10 payızı muǵdarında jıyım óndiriledi.
Mámleketlik xizmetten paydalaniw ushin BIMXP arqali múrájat etilgende, reglamentte belgilengen jıyım summasınıń 90 payızı óndiriledi.
Tutınıwshılar elektr tarmaqlarına jalǵanıw ushın Onlayn platforma arqalı mámleketlik xizmetten elektron tárizde paydalanıw ushin dizimnen ótken halda múrájat etilgende jıyım óndirilmeydi.
Tutınıwshılar múrájat etken kúnnen baslap úsh jumis kúninde elektr tarmaqlarına jalǵanıwdı biykar etse, elektr tarmaqlarına jalǵanıw ushın Reglamentte keltirilgen tólem summası belgilengen tártipte Tutınıwshıǵa úsh jumis kúninde qaytarip beriledi.
Beruniy rayoni ádillik bólimi
Mámleketlik xizmetler orayi
qánigesi J.Jumabaev