Янгиликлар
24
«ÓZBEKSTAN RESPUBLIKASÍ KONSTITUCIYАSÍ HAQQÍNDA»ǴÍ NÍZAM JOYBARÍ JÁRIYALANDÍ.
Konstituciyalıq Nızam joybarında ámeldegi Konstituciyaǵa 27 jańa statya kiritiw, statyalar sanı 128 den 155 ke asırıw rejelestirilgen.
Nızam joybarına kóre jańa Konstituciya 6 bólim, 155 statyadan ibarat boladı.
Konstituciyalıq Nızam referendum juwmaqları Ózbekstan Respublikası Oraylıq saylaw komissiyası tárepinen rásmiy járiyalanǵan kúnnen baslap kúshke kiredi.
Konstituciyalıq Nızam kúshke kirgenge shekem Ózbekstan Respublikası aymaǵında ámelde bolǵan nızamlar hám basqa normativ-huqıqıy hújjetler usı Konstituciyalıq Nızam joybarındaǵı Konstituciyaǵa qayshı bolmaǵan bóliminde qollanıladı.
Konstituciyalıq Nızam joybarındaǵı Ózbekstan Respublikası Konstituciyası normaları tiyisli nızamlar hám basqa normativ-huqıqıy hújjetler qabıl etilgeninen yáki ámelde bolıwına qaramastan Konstituciyalıq Nızam kúshke kirgen waqıttan tuwrıdan-tuwrı ámel qıladı.
Ózbekstan Respublikası Oliy Májlis Senatı usı jılı 14-mart kúni jańa joybardaǵı Konstituciya haqqında Nızam joybarı boyınsha referendum ótkeriw haqqında qarardı maqulladı hám 30-aprel kúni ulıwmaxalıqlıq referendum ótkeriw rejelestirilgen.
Puqaralardı óz táǵdirine biyparıq bolmaǵan halda usı referendumǵa belsene qatnasıwǵa shaqırıp qalaman.
Taxtakópir rayonı Ádillik
bólimi MXO bólim baslıǵı M.Allambergenov