Янгиликлар
16
Rawajlanıw strategiyası: Insan huqıqların qorǵaw tarawındaǵı reformalar
Ózbekstan Respublikası Prezidentiniń 2022-2026-jıllarda jańa Ózbekstannıń rawajlanıw strategiyası haqqındaǵı pármanı qabıllandı.
Pármanǵa kóre, insan qádrin kóteriw hám erkin puqaralıq jámiyetin jáne de rawajlandırıw arqalı xalıq súyer mámleket qurıwda birinshi náwbette tómendegiler aldımızǵa maqset etip qoyılǵan:
1-maqset: Máhálle institutı iskerliginiń nátiyjeliligin asırıw, onı jámiyetshilik basqarıwı hám qadaǵalawınıń tayanısh buwınına aylandırıw.
Aymaqlardaǵı sociallıq-ekonomikalıq mashqalalardı ornında sheshiw maqsetinde máhálleler wákilliklerin keńeytiw, olardıń ǵárezsizligin kúsheytiw.
Puqaralardıń óz máhállesi turmısında qatnasıwın hám de mámleket shólkemleri hám máhálleler ortasında tuwrıdan-tuwrı baylanıstı támiyinlew, máhállelerde xalıq penen islewge qaratılǵan processlerdi sanlastırıw.
Isbilermenlikti rawajlandırıw, xalıq bántligin támiyinlew hám kámbaǵallıqtı kemeytiw máseleleri boyınsha rayon (qala) hákiminiń járdemshisi institutınıń nátiyjeli iskerligin jolǵa qoyıw.
2-maqset: Xalıq deputatları Keńeslerin aymaqlarda orınalǵan mashqalalardı sheshiwdegi tiykarǵı buwınǵa aylandırıw.
Xalıq deputatları Keńeslerinde turaqlı tiykarda iskerlik jurgiziwshi deputatlar korpusın qáliplestiriw hám olardıń wákilliklerin keńeytiw arqalı aymaqlıq atqarıw shólkemleri iskerligi ústinen qadaǵalawdı kúsheytiw.
Xalıq deputatları Keńesleriniń máhállelerdegi mashqalalardi sheshiwdegi rolin asırıw, aymaqlardı sociallıq-ekonomikalıq rawajlandırıw, xalıqtıń turmıs dárejesin asırıw, jergilikli byudjetti qáliplestiriw hám baqlaw boyınsha olardıń juwapkershiligin kúsheytiw.
3-maqset: Jergilikli mámleket hákimiyatı shólkemleri iskerliginiń institutsional tiykarların zaman talaplarına maslastırıw.
Orınlardaǵı máselelerdi sheshiwde jergilikli hákimliklerdiń múmkinshiliklerin jáne de keńeytiw hám hár bir wazıypa atqarıwı, sonıń menen birge sarıplanıp atırǵan qárejetler maydanınan jámietshilik aldındaǵı juwapkerligin asırıw.
Jergilikli atqarıw hákimiyatı shólkemlerin demokratiyalıq principler tiykarında qáliplestiriw, sonday-aq hákimlerdi saylaw sistemasın engiziwdiń huqıqıy tiykarların jaratıw.
Jergilikli mámleket hákimiyatı shólkemleri tárepinen aymaqlıq atqarıw shólkemleriniń shtatbirligi hám strukturaların belgilew ámeliyatın basqıshpa-basqısh keńeytiw, aymaqlarda ámelge asırılatuǵın wazıypalar boyınsha «wákillikler reestri»in qáliplestiriw.
4-maqset: Mámleket basqarıwı shólkemleri iskerligin «puqaralarǵa xizmet etiwge baǵdarlaw» principi tiykarında transformaciya qılıw.
Ministrlik hám keńselerdi shólkemlestiriw hám tamamlawdıń anıq tártibi, olardı bir-birinen parıqlawshı kriteryalardı názerde tutatuǵın huqıqıy mexanizmlerdi islep shıǵıp, ámeldegi mámleket basqarıwı sistemasın qayta kórip shıǵıw.
Ministrlik hám keńseler iskerliginiń barlıq baǵdarların «Mámleket - xalıq xizmetkeri» principi tiykarında puqaraǵa xizmet etiwge baǵdarlaw.
5-maqset: Iqsham, professional, ádalatlı, joqarı nátiyjelilikke xızmet etetuǵın mámleket basqarıwı sistemasın engiziw.
6-maqset: Mámleket basqarıwı sistemasında basqarıw apparatın ıqshamlastırıw hám jumıs processlerin muwapıqlastırıw.
Menshikli sektorǵa ótkeriletuǵın ayırım mámleket funkciyalar sanın 3 esege asırıw, mámleket-menshik sheriklikti keńeytiw hámde sanlı texnologiyalardı keń engiziw.
7-maqset: Mámleketimizdegi reformalardı izbe-iz dawam ettiriwde Joqarı Keńes palataları hám siyasiy partiyalar rolin jánede asırıw.
Joqarı Keńes palatalarınıń mámleket hákimiyatı sistemasındaǵı ornın bekkemlew, olardıń ishki hám sırtqı siyasatqa tiyisli zárúrli wazıypalardı sheshiwdegi wákilliklerin keńeytiw.
8-maqset: Norma dóretiwshiligi procesin modernizaciyalaw, nızamshılıq hújjetleriniń qatań atqarılıwın támiyinlew.
9-maqset: «Elektron húkimet» sistemasın rawajlandırıw, electron mámleket xızmetleriniń úlesin 100 procentke jetkiziw hámde byurokratiyani saplastırıw.
Mámleket xızmetlerin mobil qosımshalar arqalı kórsetiwdi keńeytiw.
Mámleket xızmetlerin kórsetiwde shaxstı identifikaciya qılıwdıń Mobile ID sistemasın engiziw.
«Elektron húkimet» sisteması keńseler aralıq integraciyalasıw platformasi arqalı mámleket shólkemleri hámde menshikli kommerciya shólkemleri ortasında maǵlıwmat almasınıwın jolǵa qoyıw tiykarında byurokratıyalıq processlerdi kemeytiw.
Shaxsqa tiyisli maǵlıwmatlardıń qorǵalıwın támiyinleytuǵın ruxsat beriw hámde xabardar qılıw sistemasın engiziw.
Jası úlken hám mayıplıǵı bolǵan shaxslarǵa mámleket xızmetlerin kórsetiwdi ápiwayılastırıw, olarǵa qolaylıqlar jaratıw.
Mámleket xızmetlerin sanlastırıw hám olardıń 20 payızın menshikli sektorǵa ótkeriw.
10-maqset: Mámleket puqaralıq xızmeti sistemasın zamanagóy standartlar tiykarında shólkemlestiriw.
Mámleket xızmetinde korruptsiya faktorların saplastırıw, kadrlardı tańlaw tiykarında jumısqa qabıllaw hám olar iskerligi natiyjeliligin bahalawdıń huqıqıy tiykarların jetilistiriw.
Mámleket shólkemlerinde jumıs waqtı hám miynet normaları boyınsha talaplardı qayta kórip shıǵıw.
11-maqset: Xalıq penen baylanıstıń mexanizmlerin jetilistiriw.
Xalıq penen ashıq baylanıstıń mexanizmlerin jáne de jetilistiriw, zárúrli qararlardı jámietshilik pikirin inabatqa alǵan halda qabıllaw ámeliyatın keńeytiw.
«Mámleket xalqqa xizmet kórsetiwi shárt» ideyasın qollanıwdı názerde tutatuǵın «Xalq súyer mámleket» milliy programmasınıń izbe-iz ámelge asırılıwın támiyinlew.
12-maqset: Tásirli jámiyetshilik qadaǵalawın ámelge asırıwdıń shólkemlestirilgen-huqıqıy tiykarların jetilistiriw.
Jámietshilik qadaǵalawın ámelge asırıwdıń zamanagóy formaların rawajlandırıw, jámáátlik shaqırıwlar tiykarında aymaqlıq, tarmaq hám mámleket programmalarınıń atqarıw sapasın tekseriw ámeliyatın engiziw bolıp esaplanadı.
Nókis rayonı ádillik bólimi tárepinen Keń jámiyetshilik talqılawı nátiyjesinde «Háreketler strategiyasınan – Rawajlanıw strategiyasına» principine tiykarlanıp islep shıǵılǵan joqarıda qısqasha kórsetip ótilgen jeti tiykarǵı baǵdardan ibarat 2022 – 2026 - jıllarǵa mólsherlengen Jańa Ózbekstannıń rawajlanıw strategiyası boyınsha xalıq arasında úgit-násiyat, mazmun-maqsetin túsindiriw jumsıları alıp barılmaqta.
Nókis rayonı ádillik
bólimi baslıǵı w.w.a. A.Dastenov