Янгиликлар
23
Onlayn mámleketlik xızmetleri bul..
Elektron húkimettiń tiykarǵı wazıypaları mámleket shólkemleri iskerliginiń natiyjeliligin, operativligin hám ashıqlıǵın támiyinlew, olardıń juwapkerligin hám atqarıw ıntızamın kúsheytiw, xalıq hám isbilermenlik sub'ektleri menen informaciya almaslawdı támiyinlewdiń qosımsha mexanizmlerin hám de arza beretuǵınlar ushın mámlekettiń pútkil aymaǵında mámleket shólkemleri menen óz-ara munasábetlerdi elektron húkimet sheńberinde ámelge asırıw boyınsha múmkinshilikler jaratıwdan ibarat. Mámleket xızmetlerin puqaralar tárepinen tikkeley tiyisli keńselerge murajáát etpesten turıp ámelge asırıw múmkinshiligi jaratılǵan. Házirgi kúnde uydan shıqpay turıp da barlıq túrdegi mámleket xızmetlerinen ǵárezsiz elektron túrde paydalanıw múmkinshiligi bar. Bunday qolay mámleket xızmetlerin my.gov. uz saytı arqalı kórsetiledi.
My.gov. uz — Birden-bir ınteraktiv mámleket xızmetlerin portalı iske túsirilgen bolıp, Internet tarmaǵında Ózbekstan Respublikasınıń Húkimet portalı sheńberinde, sonday-aq “bir ayna” rejiminde jumıs alıp barmaqta.
Birden-bir ınteraktiv mámleket xızmetlerin portalı arqalı murajáát etilgende yamasa qandayda bir xızmetten paydalanıw ushın arza toltırıladı. Bunda puqaraǵa tiyisli tiykarǵı maǵlıwmatlar JShShIR kiritiliwi menen avtomat tárzde shıǵıp keledi. Yaǵnıy jasaw mánzili, famılıyası, atı, ákesiniń atı, tuwılǵan waqtı hám jeri sıyaqlı maǵlıwmatlar. Tiykarınan bul sistema islewi ushın júdá kóp basqıshlardan ótilgen boladı. Mısal ushın, puqaranıń jasaw mánzili Ishki isler ministrliginiń, shaxstıń ózine tiyisli maǵlıwmatlar Mámleket personallashtirish orayınıń informaciya sistemalarınan alınadı. Qullası, barlıq mámleket shólkemlerine tiyisli informaciya sistemaları integraciya etilgenligi ushın bul maǵlıwmatlar Birden-bir portaldan paydalanǵanda puqaralardan qayta-qayta so'ralmaydi. Usı jaratılǵan sistema mámleketlik xızmeti salasında áweregershilik, artıqsha waqıt hám qárejet sarıplanıwınıń, puqaralardıń ol yamasa bul qapıda uzaq gezekler kútiwleri, tanıs-bilisshilikdi aldın alıwǵa xızmet etpekte.
Usı sistemanıń puqaralarǵa ábzallıq tárepleri xızmet alıwshı hár qanday waqıtta sistemada ámeldegi bolǵan barlıq xızmetlerden 24 saat hám de Ózbekstan Respublikası, sonıń menen birge dúnyanıń qálegen jerinen turıp paydalanıwı múmkin. Onıń ushın tek ǵana identifikaciyadan ótken bolsańız jetkilikli. Juwmaq etip aytqanda Mámleket xızmetleri tarawinda ámelge asırılıp atırǵan bul sıyaqlı jańalıqlar hám birden-bir ınteraktiv mámleket xızmetleri portalı (my.gov. uz) arqalı ǵárezsiz mámleket xızmetlerinen paydalanıw arqalı qımbatlı waqtıńızdı tejegen bolasız.
Qanlikól rayonı ádillik bólimi PHAJ bólimi basliǵı P Avezova