Янгиликлар
16
Bilesizbe?
On altı jastan pensiya táminatı huqıqın alıw jasına shekem bolǵan, haq tólenetuǵın jumısqa yáki is haqı (miynet dáramadı) keltiretuǵın tayarlıqqa iye bolmaǵan, jumıs izlep atırǵan hám jumıs usınılsa, oǵan kirisiwge tayar bolǵan kasipke tayarlawdan, qayta tayarlawdan ótiwge yáki tajriybesin asırıwǵa tayar bolǵan, jumısqa ornalastırıwda kómek alıw ushın jergilikli miynet organlarına murajáát qılǵan hám usı organlar tárepinen jumıs izlep atırǵan shaxslar sıpatında dizimge alınǵan miynetke jaramlı shaxslar jumıssızlar dep ataladı.
Eger jumıs izlep atırǵan shaxsqa ol dizimge alınǵan kúnnen baslap dáslepki on kún ishinde maqul keletuǵın jumıs usınılmaǵan bolsa jergilikli miynet organı belgili shaxs jumısqa jaylastırıw ushın jiberilgen shólkemnen yaq juwabın alǵan bolsa,shaxstı jumıssız dep tabıw haqqındaǵı qarar ol jumıs izlep atırǵan shaxs sıpatında dizimge alınǵan kúnnen baslap on birinshi kúnnen keshiktirmey jergilikli miynet organı tarepinen qabıl qılınadı.
Shaxstı jumıssız dep tabıw haqqındaǵı qarar jergilikli miynet organınıń buyrıǵı menen rásmiylestiriledi, usı buyrıq bir waqıttıń ózinde jumıssızlıq napaqası tayınlaw haqqındaǵı buyrıq esaplanadı. Buyrıqta jumıssızlıq napaqasınıń muǵdarı hám esaplaw sánesi kórsetiledi.
Jumıssız dep tabılǵan shaxs qabıl qılınǵan qarar haqqında bul qarar qabıl qılınǵannan keyin eki kúnlik múddetten keshiktirmey jazba tárizde yáki telefon, elektron poshta arqalı xabardar qılınadı. Bunda jumıssız dep atalǵan shaxsqa onıń huqıq hám májbúriyatları, jergilikli miynet organına yáki sotsial-ekonomikalıq tárepten kompleks rawajlandırıw boyınsha sektorǵa, puqaralardıń ózin-ózi basqarıw organına biriktirilgen xizmetker aldınnan qayta dizimnen ótiw ushın májbúriy keliw sánesi, jumıssızlıq nápaqasın alıw shártlerin hám ornı, sonday-aq jumıssız shaxs ushın zárúr bolǵan basqa axborat xabar qılınadı.
Belgilengen tártipte jumıssız dep tabılǵan shaxslar jumıssızlıq napaqasın alıw huqıqına iye.
Jumıssızlıq napaqasın tólew jumıssız shaxstıń jasaw ornı boyınsha ózbekistan Respublikasınıń Bándlikke kómeklesiw mámleket jamǵarması qárejetleri esabınan ámelge asırıladı.
Jumıssızlıq napaqasına salıq salınbaydı.
Jumıssızlıq napaqası jumıssız dep tán alınǵan shaxsqa ol jergilikli miynet organında jumıs izlep atırǵan shaxs sıpatında jumısqa alınǵan birinshi kúnnen baslap esaplanadı hám tólenedi.
Jumıssızlıq nápaqası on eki aylıq dáwir ishinde kóbi menen jigirma altı kalendar hápte dawamında tólenedi.
Usı ayda jumıssızlıq napaqasın tólew ótken ay ushın ámelge asırıladı.
Jumıssızlıq napaqasın alıw dáwirinde jumıssız shaxs kesel bolǵan jaǵdayda jumıssızlıq napaqasın jumıssız shaxstıń qarındasları (ákesi, anası, eri (hayalı), er jetken balaları) yáki belgilengen tártipte rásmiylestirilgen isenimnama tiykarinda jumıssız shaxstıń basqa isenimli shaxsları tárepinen jol qoyıladı.
Óz miynet stajın hújjet penen tastıyıqlaw imkaniyatına iye bolmaǵan shaxslarǵa jumıssızlıq napaqasın tayınlaw procesinde olarǵa ilgeri islemegenler hám birinshi márte jumıs izlep atırǵanlar sıpatında qaraladı.
Jumıssızlıq napaqasın alıw dáwirinde jumıssız shaxs jumıs islewi hám jumısqa jaylastırıwǵa tiyisli jollanba (jumısqa jaylasıwǵa kómeklesiw juzesinen murajáátnama) yamasa kásipke tayarlawǵa, qayta tayarlawǵa yáki tájiriybesin asırıwǵa jollanba alıw ushın eki háptede keminde bir márte jergilikli miynet organına murajáát qılıwı shárt.
Jumıssızlıq napaqası jumıssız shaxstıń dáslepki is ornındaǵı aqırǵı bir jıldaǵı ortasha aylıq is haqına tiykarlanıp payızda belgilenedi. Basqa hallarda jumıssızlıq napaqası
miynetke haq tólewdiń eń kem muǵdarına qarata payızda belgilenedi.
Qaraózek rayonı Ádillik bólimi Yuridikalıq xızmet kórsetiw orayı bas yuriskonsultı Erlepesov Shariyar Muratbek ulı.