Янгиликлар
22
Licenziya hám ruxsatnama beriw tártibi endi ańsat
Hámmege belgili elimizde alıp barılıp atırǵan unamlı reformalar nátiyjesinde mámleketlik xızmetler kórsetiwde hám onnan paydalanıwda elektron Húkimettiń ornı júdá joqarı dárejede ásip barmaqta. Húkimet qararı (80-san, 21.02.2022-j.) menen arnawlı elektron sisteması arqalı ayrım jumıs kórsetiw túrlerin licenziyalaw tártibi haqqında birden bir nızam tastıyıqlanǵan. Nızamǵa muwapıq, licenziya alıw talap etiletuǵın 28 iskerlik (atap aytqanda, mámleketlik emes tálim xızmetlerin kórsetiw, materiallıq mádeniy miyrastıń kóshpes múlk obektlerin asıraw, turizmdı jolǵa qoyıw, Jeke bántlik agentlikleriniń Ózbekstannan sırtta jumıs izlep júrgen puqaralardı jumısqa jaylastırıw boyınsha is alıp barıw, dári-dármaq ónimlerin hám medicinalıq ónimlerdi uzaqlap satıw, realizaciya etiw hám basqa xızmetler) « Licenziya » axborot sisteması yaki Birden-bir interaktiv mámleketlik xızmetler portalı (my.gov.uz) arqalı licenziyalanadı.
Talapker licenziya alıw ushın arza hám oǵan qosımsha etiletuǵın hújjetlerdi « Licenziya » АS yamasa BbIMXP arqalı elektron tárizde jiberedi. Arzalar « Licenziya » АS yamasa BbIMXP arqalı dem alıs hám bayram kúnlerinen qattiy názer hár kúni 24 saat dawamında jiberiliwi múmkin. Arzaǵa kiritilgen maǵlıwmatlar «Licenziya» АТ arqalı mekemelerara birge islesiw sistemasındaǵı maǵlıwmatlar tiykarında dáslepki tárizde avtomatik túrde salıstırıladı hám tekseriledi. Tólem tólegennen keyin arza hám oǵan qosımsha etilgen hújjetler « Licenziya » АS yamasa BbIMXP arqalı avtomatik tárizde licenziyalawshı organǵa jiberiledi.
Licenziyalawshı organ licenziya beriw yaki licenziya beriwdi biykar etiw haqqındaǵı qarardı « Licenziya » АS arqalı qabıl etedi. Qarar «Licenziya» АS arqalı real waqıt rejiminde avtomatik tárizde talapkerdiń jeke kabinetine jiberiledi. licenziyalawshı organ arzanı óz múddetinde kórip shıǵıp talapkerge licenziya beriw yaki onı beriwdi biykar etiw haqqında qarar qabıl etpese, talapker bul haqqında licenziyalawshı organdı « Licenziya » АS yamasa BbIMXP arqalı elektron tárizde xabardar etken halda licenziyalanatuǵın háreketti ámelge asırıw huqıqına iye boladı.
Licenziya beriwdi biykar etiw ushın tómendegiler tiykar boladı:
- lecenziya beriliwi ushın zárúr bolǵan hújjetlerdiń talapker tárepinen tolıq usınılmaǵanlıǵı;
- talapkerdiń licenziya talapları hám shártlerine muwapıq emesligi;
- talapker tárepinen usınılǵan hújjetlerde jalǵan yaki nadurıs maglıwmatlardıń barlıǵı;
- úreniwler, isleniwler, tekseriwler yaki basqa ilimiy hám texnik bahalawlardıń nátiyjesi boyınsha tiykarlanǵan unamsız juwmaq alınǵanlıǵı.
Basqa tiykarlarǵa kóre, atap aytqanda, lecenziya beriw maqsetke muwapıq emes degen sıltaw menen licenziya beriwdi biykar etiwge jol qoyılmaydı.
Qanlıkól rayonı ádillik bólimi PHAJ bólimi
1-dárejeli inspektorı J.Seytjanova