Янгиликлар
24
Bilesizbe?
Mámleketlik xızmet Ózbekstan Respublikası Ministrler kabinetiniń 2018-jıl 29-dekabr kúngi «Kóshpes múlk obektlerine bolǵan huqıqlardı mámleketlik diziminen ótkeriw tártibin jetilistiriw is-ilajları haqqında»ǵı 1060-sanlı qararı menen tártipke salınǵan bolıp, arza beriwshi Mámleketlik xızmetler oraylarına yamasa birden-bir interaktiv mámleketlik xızmetler portalı (my.gov.uz) arqalı múrájat etedi.
Wákillikli organ arza kelip túskennen soń 2 jumıs kúninde kóshpes múlk obektin mámleketlik diziminen ótkeriw boyınsha nızam talaplarına muwapıqlıǵı boyınsha úyrenip shıǵıp, mámleketlik diziminen ótkeredi hám jıyım summası kórsetilgen xabarnama jiberedi.
Bunnan soń málimleme-kommunikaciya sisteması arqalı arza beriwshige jıyım tólew haqqındaǵı xabarnama jiberiledi hám arza beriwshi 1 ay ishinde xabarnamada kórsetilgen jıyım summasın tólewi tiyis.
Eger arza birden-bir interaktiv mámleketlik xızmetler portalı (my.gov.uz) arqalı onlayn tárizde berilse belgilengen jıyım summasınıń 90 payızı óndiriledi (yaǵnıy 10 payız shegirme qollanıladı).
Kóshpes múlkke bolǵan huqıq mámleketlik diziminen ótkerilgennen soń Mámleketlik xızmetler orayları reesrtrden kóshirmeni júklep aladı hám arza beriwshiniń sorawına kóre oǵan reestrden kóshirmeni elektron kóriniste yáki qaǵaz kórinisinde beredi.
Bunnan tısqarı I hám II topar mayıplıǵı bolǵan shaxslar hám ekinshi jer júzilik urıs qatnasıwshılarına belgilengen jıyım summasınıń 50 payızı muǵdarında shegirme qollanıladı.
Esletip ótemiz kóshpes múlkke bolǵan huqıqtı mámleketlik dizimnen ótkeriw ushın óz waqtında múráját etpew puqaralarǵa BEMnıń 10 esesi (3 mln swm), lawazımlı shaxslarǵa bolsa 15 esesi (4, 5 mln swm) muǵdarında járiyma salıwǵa sebep boladı (tiykar :Ózbekstan Respublikasınıń hákimshilik juwapkershilik haqqındaǵı kodeksi VIII-bap 〖68〗^1-statyası)
Nókis rayonı ádillik bólimi
Mámleketlik xızmetler orayı bólim baslıǵı A.Patshaxanov