Янгиликлар
24
Kem támiyinlengen shanaraqlarǵa balalar pulı ham materiallıq járdem pulların tayınlaw tártibi.
Ózbekstan Respublikası Prezidenti baslmasına tiykar, bala tárbiyalap atırǵan shańaraqlardı qollap-quwatlaw sistemasınıń nátiyjeliligin asırıw, sociallıq qorǵaw hám kómekke mútáj shańaraqlardıń materiallıq támiynatın kúsheytiw, mútájligi bolǵan shańaraqlardı anıqlawda ulıwmalıq maqullanǵan xalıqaralıq standartlardı hám avtomatlasqan taza elektron bahalaw mexanizmlerin engiziw arqalı napaqalardı tólew sistemasın balalar potencialın rawajlandırıw hám kembaǵallıqtı qısqartıw maqsetinde Ózbekstan Respublikası Ministrler Kabinetiniń 2021-jıl 21-oktyabr kúni “Xalıqtı sociallıq qorǵaw sistemasın jánede jetilistiriw is-ilajları haqqında”ǵı 654-sanlı qararı qabıl etilgen.
Usı Qarar menen tastıyıqlanǵan “Kem támiyinlengen shańaraqlardı “Sociallıq qorǵaw birden-bir reestri” informaciya sisteması arqalı, olarǵa kem támiyinlengen shańaraqlar balaları ushın napaqa hám materiallıq járdem tayınlaw hám tólew tártibi haqqındaǵı Reje”ge muwapıq Ózbekstan Respublikası aymaǵında jasaytuǵın kem támiyinlengen shańaraqlardı “Sociallıq qorǵaw birden-bir reestri” informaciya sisteması (“Birden-bir reestr” IT) arqalı anıqlaw hámde olarǵa kem támiyinlengen shańaraqlar balaları ushın napaqa (balalar napaqası) hám kem támiyinlengen shańaraqlarǵa materiallıq járdem (materiallıq járdem) tayınlaw hám tólew tártibi belgilenedi.
- Xosh, kimler balalar napaqasın hám materiallıq járdem alıw ushın arza tapsırıwı múmkin?
- Rejege muwapıq “arza beriwshi” dep shańaraqtıń 18 jasqa tolǵan sociallıq napaqa alıw qálewinde bolǵan Ózbkekstan Respublikası puqarası, Ózbekstan Respublikası aymaǵında jasaw gúwalıǵına iye bolǵan shet el puqarası yáki puqaralıǵı bolmaǵan shaxs esaplanadı.
Sonday-aq, shańaraqtıń qarım-qatnasqa uqıplı qálegen aǵzasınan biri (ákesi, anası yáki olardıń ornın basıwshı shaxs, 18 jasqa tolǵan, óz shańaraǵına iye bolmaǵan balası yáki shańaraqtıń perzentlikke alınǵan balası yamasa ámengerlikke alınǵan shaxslar) arza beriwshi bolıwı múmkin.
- Balalar napaqası yáki materiallıq járdem qansha waqıtqa tayınlanadı hám neshe ay dawamında tólenedi?
- Balalar napaqası 12 ay múddetke tayınlanadı, biraq shańaraqtıń eń kishi (jalǵız perzenti) perzenti on segiz jasqa tolǵan aydıń aqırına shekem tólenedi. Materiallıq járdem balası bolmaǵan yáki balaları 18 jastan úlken bolǵan shańaraqlarǵa hám jalǵız puqaralarǵa 6 ay múddetke tayınlanadı hám tólenedi.
- Arza beriwshi balalar napaqasın yáki máteriallıq járdem pulların alıwı ushın kimge yáki qay jerge múrájat etiwi kerek?
- Balalar napaqası yáki materiallıq járdem tayınlaw ushın arza kerekli hújjetler menen birge tuwrıdan-tuwrı arza beriwshiniń turaqlı yáki waqtınsha jasaw mánzilindegi puqaralardıń ózin-ózi basqarıw uyımına, yaǵnıy awıl hám mákán puqaralar jıyınına usınıladı.
Arzalar arza beriwshiniń balalar napaqası yáki materiallıq járdem alıwdı qálep atırǵan aydan aldınǵı aydıń 16-sánesine shekem usınaladı. Bunda joqarıda kórsetilgen múddeten keyin berilgen arzalar belgilengen tártipte keyin ayda kórip shıǵıladı. Yaǵnıy, qálegen bir aydıń 16-sánesine shekemgi berilgen arzalar sol aydıń ózinde, al 16-sánesinen baslap onnan keyin berilgen arzalar keyingi ayda kórip shıǵıladı.
Balalar napaqası hám materiallıq járdem Rejede belgilengen tártipte arza beriwshi múrájat qılǵan aydan keyingi aydan baslap tólenedi.
Bunnan tısqarı “Birden-bir reestr” IT arqalı kem támiyinlengen dep tabılǵan shańaraqlar (shaxslar) qosımsha hújjetler hám maǵlıwmatnamalardı usınbastan, nızamshılıq hújjetlerinde usı taypadaǵı shańaraqlar (shaxslar)ǵa belgilengen tártipte biypul yáki jeńillikli shártlerde kórsetilgen sociallıq xızmetler hám járdemlerden paydalanıwǵa haqlı bolıp tabıladı.
Shomanay rayonı ádillik bólimi
Insan huqıqları qorǵaw hám huqıqtı
qollaw ámeliyatın úyreniw boyınsha
bas másláhátshisi A.Seydabullaev